അബുദാബി : യുഎഇ ഭരണകൂടം പ്രഖ്യാപിച്ച തൊഴില് നഷ്ട ഇന്ഷുറന്സ് പദ്ധതിയില് അംഗമാകാത്തവരില് നിന്ന് ഇന്ന് മുതല് പിഴ ഈടാക്കി തുടങ്ങും. പദ്ധതിയുടെ ഭാഗമാകുന്നതില് വീഴ്ച വരുത്തിയവര്ക്ക് 400 ദിര്ഹമാണ് പിഴ. ഇത്തരക്കാരുടെ വര്ക്ക് പെര്മിറ്റ് പുതുക്കി നല്കില്ലെന്നും മാനവ വിഭവ ശേഷി സ്വദേശിവല്ക്കരണ മന്ത്രാലയം വ്യക്തമാക്കി. യുഎഇയില് തൊഴില് സുരക്ഷ ഉറപ്പാക്കുന്നതിന്റെ ഭാഗമായാണ് തൊഴില് നഷ്ട ഇന്ഷുറന്സ് പദ്ധതി മന്ത്രാലയം പ്രഖ്യാപിച്ചത്. ജനുവരി ഒന്നിന് നിലവില് വന്ന പദ്ധതിയില് അംഗമാകാനുളള സമയ പരിധി മന്ത്രാലയം പല തവണ നീട്ടി നല്കിയിരുന്നു. ഒക്ടോബര് ഒന്നിന് മുമ്പ് പദ്ധതിയില് അംഗമാകണമെന്നായിരുന്നു അവസാനം നല്കിയ നിര്ദ്ദേശം. ഈ സമയ പരിധി അവസാനിക്കുന്ന പശ്ചാത്തലത്തിലാണ് ഇന്ന് മുതല് പിഴ ഈടാക്കുന്നത്.
പദ്ധതിയില് അംഗമാകാത്തവരില് നിന്ന് പിഴ ഈടാക്കുമെന്ന് മാനവ വിഭവശേഷി സ്വദേശി വല്ക്കരണ മന്ത്രാലയം നേരത്തെ അറിയിച്ചിരുന്നു. അംഗമായ ശേഷം തുടര്ച്ചയായി മൂന്ന് മാസം വിഹിതം അടക്കുന്നതില് വീഴ്ച വരുത്തിലായും അംഗത്വം റദ്ദാക്കപ്പെടും. ഇതിന് പുറമെ 200 ദിര്ഹം പിഴയും അടക്കേണ്ടി വരും. നിശ്ചിത കാലയളവിനുളളില് പിഴ അടക്കാത്തവരുടെ ശമ്പളത്തില് നിന്നോ മറ്റ് ആനുകൂല്യങ്ങളില് നിന്നോ തുക ഈടാക്കാനാണ് തീരുമാനം. ജോലി നഷ്ടപ്പെടുന്നവര്ക്ക് അടിസ്ഥാന ശമ്പളത്തിന്റെ അറുപത് ശതമാനം തുക മൂന്ന് മാസത്തേക്ക് നല്കുന്നതാണ് പദ്ധതി. യുഎഇയില് സ്വകാര്യ മേഖലയിലും സര്ക്കാര് മേഖലയിലും ജോലി ചെയ്യുന്ന മുഴുവന് ആളുകളും നിര്ബന്ധമായും പദ്ധതിയില് അംഗമാകണമെന്നാണ് നിയമം. 16,000 ദിര്ഹത്തില് കുറവ് ശമ്പളമുള്ളവര്ക്ക് അഞ്ച് ദിര്ഹവും അതില് കൂടുതല് ശമ്പളം ഉള്ളവര്ക്ക് 10 ദിര്ഹമുമാണ് പ്രതിമാസ പ്രീമിയം തുക.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
