ദുബൈ : ആരാണ് ഇയാള് ? ആരാണ് ഇയാളെ വോട്ടു ചെയ്ത് വിജയിപ്പിച്ചത് ? എങ്ങനെയാണ് ഇയാള്ക്കിത് പറയാന് സാധിക്കുന്നത് ? ചോദ്യം യു.പി മുഖ്യമന്ത്രി യോഗി ആദിത്യനാഥിനോടാണ്. ചോദിക്കുന്നതോ യു.എ.ഇ രാജകുമാരി ശൈഖ് ഹിന്ദ് ബിന്ദ് ഫൈസല് അല് ഖാസിമിയും. യു.പി മുഖ്യമന്ത്രിയാണ് യോഗി ആദിത്യനാഥെന്ന് തിരിച്ചറിഞ്ഞുകൊണ്ടുതന്നെയാണ് കടുത്ത ഭാഷയില് രാജകുമാരിയുടെ വിമര്ശനം.
യോഗി ആദിത്യനാഥ് എഴുതിയ സ്ത്രീവിരുദ്ധ ലേഖനം പങ്കുവെച്ച് കൊണ്ടായിരുന്നു ഹിന്ദ് ബിന്ദ് ഫൈസല് അല് ഖാസിമിയുടെ വിമര്ശന ട്വീറ്റ്. ‘ഇന്ത്യന് സംസ്കാരത്തിലെ സ്ത്രീകള്’ എന്ന പേരില് യോഗി ആദിത്യനാഥ് ഔദ്യോഗിക വെബ്സൈറ്റില് വര്ഷങ്ങള്ക്ക് മുമ്പ് എഴുതിയ ലേഖനമാണ് ശൈഖ് ഹിന്ദ് ബിന്ദിന്റെ വിമര്ശനത്തിനിടയാക്കിയത്. ഇതോടെ വീണ്ടും വലിയ ചര്ച്ചയായി മാറിയിരിക്കുകയാണ്.
