പത്തനംതിട്ട : ഡി.സി.സി ഓഫീസില് ചേര്ന്ന യു.ഡി.എഫ് ആറന്മുള നിയോജകമണ്ഡലം യോഗം 2023 ഡിസംബര് 2 ന് വിചാരണ സദസ്സ് നടത്തുവാന് തീരുമാനിച്ചു. പത്തനംതിട്ട പ്രൈവറ്റ് ബസ് സ്റ്റാന്ഡില് നടക്കുന്ന വിചാരണ സദസ്സ് ആര്.എസ്.പി നേതാവ് ഷിബു ബേബി ജോണ് ഉദ്ഘാടനം ചെയ്യും. വിചാരണ സദസ്സില് സര്ക്കാരില് നിന്ന് ആനുകൂല്യം ലഭിക്കാതെ ദുരിതമനുഭവിക്കുന്ന കര്ഷകര്, തൊഴിലിതരായ യുവാക്കള്, ചികിത്സാസഹായം നിഷേധിച്ചവര്, പെന്ഷന് കിട്ടാത്തവര് തുടങ്ങി വിവിധ മേഖലയിലുള്ളവരുടെ പ്രതിനിധികള് സംസാരിക്കും.
വിചാരണ സദസ്സില് നിയോജക മണ്ഡലത്തില് നിന്ന് 5000 പേരെ പങ്കെടുപ്പിക്കുവാന് യോഗം തീരുമാനിച്ചു. യു.ഡി.എഫ് നിയോജക മണ്ഡലം ചെയര്മാന് ടി.എം. ഹമീദിന്റെ അധ്യക്ഷതയില് ആന്റോ ആന്റണി എം.പി ഉദ്ഘാടനം ചെയ്തു. ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില്, യു.ഡി.എഫ് ജില്ലാ ചെയര്മാന് വര്ഗീസ് മാമ്മന്, ജില്ലാ കണ്വീനര് എ. ഷംസുദ്ദീന്, നിയോജക മണ്ഡലം കണ്വീനര് ജോണ്സണ് വിളവിനാല്, മാലേത്ത് സരളാദേവി, ദീപു ഉമ്മന്, ജോണ് കെ. മാത്യൂസ്, ജോണ്സ് യോഹന്നാന്, എ. സുരേഷ് കുമാര്, അനില് തോമസ്, എം.സി ഷെറീഫ്, ജോര്ജ് കുന്നപ്പുഴ എന്നിവര് പ്രസംഗിച്ചു.
