തിരുവനന്തപുരം : കെ-റെയില് പദ്ധതിക്കെതിരെ (സില്വര്ലൈന്) യു.ഡി.എഫ് പ്രതിഷേധം ഡിസംബര് 18ന്. സെക്രട്ടേറിയറ്റിന് മുന്നിലും സില്വര് ലൈന് കടന്നുപോകുന്ന പത്ത് ജില്ലാ കളക്ടറേറ്റുകള്ക്ക് മുന്നിലും ജനകീയ മാര്ച്ച് സംഘടിപ്പിക്കുമെന്ന് യുഡിഎഫ് കണ്വീനര് എം.എം ഹസന് അറിയിച്ചു. രാവിലെ 10 മുതല് ഉച്ചയ്ക്ക് ഒരു മണി വരെയാണ് ജനകീയ മാര്ച്ചും ധര്ണയും നടത്തുന്നത്.
ജനകീയ മാര്ച്ചിന്റെ സംസ്ഥാനതല ഉദ്ഘാടനം എറണാകുളം കളക്ടറേറ്റിന് മുന്നില് പ്രതിപക്ഷനേതാവ് വി.ഡി സതീശന് നിര്വഹിക്കും. സെക്രട്ടേറിയറ്റിന് മുന്നിലെ ധര്ണ കെ.പി.സി.സി പ്രസിഡന്റ് കെ സുധാകരന് എംപി ഉദ്ഘാടനം ചെയ്യും. കോട്ടയം കളക്ടറേറ്റിന് മുന്നില് മുന് മുഖ്യമന്ത്രി ഉമ്മന്ചാണ്ടിയും കോഴിക്കോട് പി.കെ കുഞ്ഞാലിക്കുട്ടിയും ഉദ്ഘാടനം നിര്വഹിക്കും.
