പത്തനംതിട്ട : സി.പി.എമ്മിന്റെ കാലുമാറ്റ രാഷ്ട്രീയത്തിനെതിരായ വിധിയെഴുത്താണ് കഴിഞ്ഞ ദിവസം (2024 ജൂലൈ 31 ന്) ജില്ലയില് നടന്ന ഗ്രാമപഞ്ചായത്ത് ഉപതിരഞ്ഞെടുപ്പുകളില് സി.പി.എം നിലനിര്ത്തിയിരുന്ന ഏഴംകുളം, ചിറ്റാര് വാര്ഡുകളിലെ കോണ്ഗ്രസ് സ്ഥാനാര്ത്ഥികളുടെ വന് ഭൂരിപക്ഷത്തോടെയുള്ള വിജയമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ജില്ലയില് സി.പി.എം ദീര്ഘനാളായി നടത്തുന്ന കൂറുമാറ്റ രാഷ്ട്രീയത്തിനെതിരായ വിധിയെഴുത്താണ് യു.ഡി.എഫ് സ്ഥാനാര്ത്ഥികളുടെ വിജയമെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ചിറ്റാറില് യു.ഡി.എഫ് സ്ഥാനാര്ത്ഥിയായി വിജയിച്ച കോണ്ഗ്രസ് രക്തസാക്ഷിയുടെ മകനെ സി.പി.എം ജില്ലാ സെക്രട്ടറിയുടെയും കോന്നി എം.എല്.എയുടെയും നേതൃത്വത്തില് കൂറുമാറ്റി ഗ്രാമപഞ്ചായത്ത് പ്രസിഡന്റാക്കിയ അധാര്മിക നടപടിയെ വാര്ഡിലെ ജനങ്ങള് തള്ളിക്കളഞ്ഞതിന്റെ തെളിവാണ് ചിറ്റാറില് യു.ഡി.എഫ് സ്ഥാനാര്ത്ഥി ജോളി ആലാംവേലില് 193 വോട്ടിന്റെ ഭൂരിപക്ഷത്തില് വിജയിച്ചതെന്ന് ഡി.സി.സി പ്രസിഡന്റ് പറഞ്ഞു.
ഏഴംകുളം ഗ്രാമപഞ്ചായത്തില് സി.പി.എം വര്ഷങ്ങളായി വിജയിച്ചുകൊണ്ടിരുന്ന 4-ാം വാര്ഡില് 46 വോട്ടിന്റെ ഭൂരിപക്ഷത്തില് കോണ്ഗ്രസിന് വിജയിക്കുവാന് കഴിഞ്ഞത് യു.ഡി.എഫ് പ്രവര്ത്തകരുടെ ഒരുമയോടെയുള്ള ചിട്ടയായ പ്രവര്ത്തനം മൂലമാണെന്ന് അദ്ദേഹം പറഞ്ഞു. ജില്ലയില് നടന്ന ഉപതെരഞ്ഞെടുപ്പുകളില് ഭൂരിപക്ഷം വാര്ഡുകളിലും ലോക്സഭാ തെരഞ്ഞെടുപ്പിലും യു.ഡി.എഫ് നേടിയ വിജയം വരാന് പോകുന്ന തദ്ദേശ സ്വയംഭരണ സ്ഥാപന, നിയമസഭാ തിരഞ്ഞെടുപ്പുകളിലെ യു.ഡി.എഫ് ന്റെ വിജയത്തിന്റെ ചൂണ്ടുപലകയാണെന്ന് ഡി.സി.സി പ്രസിഡന്റ് പറഞ്ഞു. ഉപതിരഞ്ഞെടുപ്പില് സി.പി.എമ്മിന്റെ അക്രമ രാഷ്ട്രീയത്തെയും ഉദ്യോഗസ്ഥ സ്വാധീനത്തെയും അതിജീവിച്ച് യു.ഡി.എഫിനെ വിജയിപ്പിച്ച ചിറ്റാറിലെയും ഏഴംകുളത്തെയും ഗ്രാമപഞ്ചായത്ത് വാര്ഡുകളിലെ ജനങ്ങളെ ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് നന്ദി അറിയിച്ചു.
