ന്യൂഡല്ഹി : ഉഗാണ്ടയിലെ ഇന്ത്യന് പാരാ-ബാഡ്മിന്റണ് ടീം താമസിച്ച ഹോട്ടലിന് സമീപം ബോംബ് സ്ഫോടനം. ഉഗാണ്ട പാരാ-ബാഡ്മിന്റണ് ഇന്റര്നാഷണല് മത്സരത്തിനെത്തിയ ഇന്ത്യന് ടീം സുരക്ഷിതരാണെന്ന് പാരാ ബാഡ്മിന്റണ് ഇന്ത്യ ട്വീറ്റ് ചെയ്തു. ഇന്ത്യന് ടീമിന്റെ താമസ സ്ഥലത്തിന് വെറും 100 മീറ്റര് അകലെ മാത്രമായിരുന്നു സ്ഫോടനം.
ടോക്യോ പാരലിമ്പിക്സില് സ്വര്ണ മെഡല് നേടിയ പ്രമോദ് ഭഗത്, മാനസി ജോഷി, മനോജ് സര്ക്കാര് എന്നിവരാണ് ടൂര്ണമെന്റില് പങ്കെടുക്കാനായി എത്തിയത്. ടോക്യോ പാരലിമ്പിക്സില് പരിശീലകനായിരുന്ന ഗൗരവ് ഖന്നയും സംഘത്തോടൊപ്പമുണ്ട്. തങ്ങള് സുരക്ഷിതരാണെന്നും ടൂര്ണമെന്റ് മുന് നിശ്ചയപ്രകാരം തന്നെ നടക്കുമെന്നും ഭഗത് പി.ടി.ഐയോട് പ്രതികരിച്ചു.
