ന്യൂ ഡൽഹി: ഡൽഹി കലാപക്കേസിൽ അറസ്റ്റിലായ മുൻ ജെഎൻയു വിദ്യാർത്ഥി നേതാവും ആക്ടിവിസ്റ്റുമായ ഉമർ ഖാലിദിന് ഡൽഹി ഹൈക്കോടതി ഇടക്കാല ജാമ്യം അനുവദിച്ചു. ശസ്ത്രക്രിയക്ക് വിധേയയാകുന്ന അമ്മയെ കാണാനാണ് ജൂൺ ഒന്ന് മുതൽ മൂന്ന് വരെ മൂന്ന് ദിവസത്തേക്ക് കോടതി ജാമ്യം അനുവദിച്ചത്. മുമ്പ് അമ്മയെ പരിചരിക്കുന്നതിനും അമ്മാവന്റെ മരണാനന്തര ചടങ്ങുകളിൽ പങ്കെടുക്കുന്നതിനുമായി 15 ദിവസത്തെ ഇടക്കാല ജാമ്യത്തിനായി ഉമർ ഖാലിദ് കോടതിയെ സമീപിച്ചിരുന്നു. എന്നാൽ ഡൽഹി വിചാരണ കോടതി ജാമ്യാപേക്ഷ നിരസിക്കുകയായിരുന്നു. തുടര്ന്ന് ഹൈക്കോടതിയെ സമീപിച്ചതോടെ ഇടക്കാല ജാമ്യം ലഭിച്ചു. ഒരു ലക്ഷം രൂപ കെട്ടിവെക്കണം എന്നതുൾപ്പെടെയുള്ള കർശന ഉപാധികളോടെയാണ് ജാമ്യം നൽകിയത്. പൗരത്വ ഭേദഗതി നിയമത്തിനെതിരെ വടക്കുകിഴക്കൻ ഡൽഹിയിൽ പൊട്ടിപ്പുറപ്പെട്ട കലാപവുമായി ബന്ധപ്പെട്ടാണ് ഉമർ ഖാലിദ് അറസ്റ്റിലായത്. 2020 സെപ്റ്റംബർ മുതൽ അദ്ദേഹം ജയിലിൽ തുടരുകയാണ്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
