കൊച്ചി : എറണാകുളം അങ്കമാലി അതിരൂപതയില് പ്രതിഷേധങ്ങള് തുടരുന്നതിനിടെ ഏകീകൃത കുര്ബാന നടന്നു. പരിഷ്കരിച്ച കുര്ബാന അര്പ്പിച്ചത് സെന്റ്മേരീസ് ബസിലിക്കയില് കര്ദിനാള് മാര് ജോര്ജ് ആലഞ്ചേരിയുടെ നേതൃത്വത്തില് ആണ്. കനത്ത സുരക്ഷ വിമത വിഭാഗം പ്രതിഷേധത്തിനൊരുങ്ങുമെന്ന സാധ്യത കണക്കിലെടുത്ത് ഒരുക്കിയിരുന്നു.
കനത്ത പോലീസ് കാവലില് ആയിരുന്നു കര്ദിനാള് മാര് ജോര്ജ് ആലഞ്ചേരി ഏകീകൃത കുര്ബാനക്കായി എത്തിയതും. വൈകിയെങ്കിലും എറണാകുളം അങ്കമാലി അതിരൂപതയില് ഏകീകൃത കുര്ബാന നടന്നത് മാര്പാപ്പയുടെ നിര്ദേശ പ്രകാരമാണ്. കുര്ബാന ചടങ്ങില് നിന്ന് എറണാകുളം അങ്കമാലി അതിരൂപത ആര്ച്ച് ബിഷപ് മാര് ആന്റണി കരിയില് വിട്ടു നിന്നു. വിശ്വാസികള്ക്ക് ഓശാന ചടങ്ങുകളോട് അനുബന്ധിച്ച് കുരുത്തോല നല്കി. ശേഷം പ്രദക്ഷിണം. അതിനുശേഷമായിരുന്നു ഏകീകൃത കുര്ബാന നടന്നത്.
