പത്തനംതിട്ട : നെഹ്റു യുവ കേന്ദ്ര പത്തനംതിട്ടയും ദേവസ്വം ബോർഡ് ഹയർ സെക്കൻഡറി സ്കൂൾ, കാവുഭാഗവും സംയുക്തമായി ദേശീയ യുവജന ദിനം ആഘോഷിച്ചു. സ്വാമി വിവേകാനന്ദന്റ ജന്മ വാർഷികവുമായി ബന്ധപ്പെട്ട പരിപാടി കേന്ദ്ര വിദേശകാര്യ പാർലമെന്ററി കാര്യ സഹമന്ത്രി വി മുരളിധരൻ ഉദ്ഘാടനം ചെയ്തു. ദേവസ്വം ബോർഡ് ഹയർ സെക്കൻഡറി സ്കൂൾ കാവുഭാഗം പ്രിൻസിപ്പൽ നവനീത് കൃഷ്ണൻ എൻ കെ അദ്ധ്യക്ഷനായ ചടങ്ങിൽ നെഹ്റു യുവ കേന്ദ്ര പത്തനംതിട്ട ജില്ലാ യൂത്ത് ഓഫീസർ സന്ദീപ് കൃഷ്ണൻ പി സ്വാഗതം ആശംസിച്ചു.
ദേവസ്വം ബോർഡ് ഹയർ സെക്കൻഡറി സ്കൂൾ ഹെഡ് മിസ്ട്രസ് ലത എസ്, പി ടി എ പ്രസിഡന്റ് ശ്രീനിവാസൻ പുറമാറ്റ് എന്നിവർ സംസാരിച്ചു. കവിയൂർ ഗ്രാമ പഞ്ചായത്ത് പ്രസിഡണ്ട് ദിനേശ് കുമാർ എം.ഡി. തിരുവല്ല മുൻസിപ്പാലിറ്റി കൗൺസിലർ അനമ്മ മത്തായി, പി ടി എ വൈസ് പ്രസിഡന്റ് ബിനു വി കുറുപ്പ്, സ്കൂൾ വികസന കാര്യ കമ്മിറ്റി ചെയർപേഴ്സൺ ആർ ജയകുമാർ എന്നിവർ ആശംസകൾ അറിയിച്ചു. പരിപാടിക്ക് നെഹ്റു യുവ കേന്ദ്ര വോളണ്ടിയർ അങ്കൂർ രാജ് കൃതജ്ഞത അറിയിച്ചു.
