കണ്ണൂര്: ചലച്ചിത്ര നടന് പുല്ലേരി വാധ്യാരില്ലത്ത് ഉണ്ണിക്കൃഷ്ണന് നമ്പൂതിരി (98) അന്തരിച്ചു. കൈതപ്രം ദാമോദരന് നമ്പൂതിരിയുടെ ഭാര്യാപിതാവാണ്. കോവിഡ് നെഗറ്റീവായത് കഴിഞ്ഞ ദിവസമാണ്. 1996ല് ദേശാടനം എന്ന ചിത്രത്തിലൂടെ മലയാള സിനിമയിലേക്ക് എത്തിയ ഉണ്ണിക്കൃഷ്ണന് നമ്പൂതിരി നിരവധി സിനിമകളില് മുത്തച്ഛനായി വേഷമിട്ടിട്ടുണ്ട്.
കോവിഡ് പൊസിറ്റീവായതിനെ തുടര്ന്ന് കണ്ണൂരിലെ സ്വകാര്യ ആശുപത്രിയില് ചികിത്സയിലായിരുന്നു. മൂന്നാഴ്ച മുമ്പ് ന്യുമോണിയ ബാധിച്ചിരുന്നു. അന്ന് കോവിഡ് ഫലം നെഗറ്റീവ് ആയിരുന്നു. ന്യുമോണിയ ഭേദമായി വീട്ടിലെത്തിയ ഉണ്ണിക്കൃഷ്ണന് നമ്പൂതിരിക്ക് രണ്ടു ദിവസത്തിന് ശേഷം വീണ്ടും പനി ബാധിക്കുകയായിരുന്നു. തുടര്ന്ന് നടത്തിയ പരിശോധനയിലാണ് കോവിഡ് പൊസിറ്റീവാണെന്ന് കണ്ടെത്തിയത്.
