മാനന്തവാടി: വൃത്തിഹീനമായനിലയില് പ്രവര്ത്തിച്ച തട്ടുകട ഫുഡ്സേഫ്റ്റി അധികൃതര് പൂട്ടിച്ചു. വള്ളിയൂര്ക്കാവ് ഉത്സവത്തിന്റെ മുന്നോടിയായി മാനന്തവാടി മേഖലയിലെ ഹോട്ടലുകളിലും ചെറുകിട ഭക്ഷണശാലകളിലും തദ്ദേശ സ്ഥാപനങ്ങളുടെ കീഴിലുള്ള ആരോഗ്യസ്ഥാപനങ്ങളുടെ നേതൃത്വത്തില് നടത്തിയ പരിശോധനയിലാണ് നടപടി. ഇവിടെ നിന്ന് പഴകിയ ചിക്കന് കറി ഉള്പ്പടെ കേടായ ആഹാര സാധനങ്ങള് പിടികൂടി. തുടര്ന്ന് ആരോഗ്യ വകുപ്പ് ഉദ്യോഗസ്ഥര് നോട്ടീസ് നല്കിയ ശേഷം കട പൂട്ടാന് നിര്ദ്ദേശിച്ചു.
തവിഞ്ഞാല് ഗ്രാമ പഞ്ചായത്തിന്റെ കീഴിലുള്ള പെരിയ സാമൂഹികരോഗ്യ കേന്ദ്രവും വാളാട് പ്രാഥമികരോഗ്യ കേന്ദ്രവും സംയുക്തമായി നടത്തിയ പരിശോധനയില് തലപ്പുഴ ടൗണില് വൃത്തിഹീനവും ദുര്ഗന്ധം വമിക്കുന്നതുമായ സാഹചര്യത്തില് പ്രവര്ത്തിച്ചു വന്നിരുന്ന തട്ടുകടയും പൂട്ടാന് നിര്ദേശം നല്കി. ടൗണില് പ്രവര്ത്തിക്കുന്ന മറ്റു ഭക്ഷണ ശാലകളിലും ആരോഗ്യവകുപ്പ് ഉദ്യോഗസ്ഥര് പരിശോധന നടത്തി. വരും ദിവസങ്ങളിലും കര്ശനമായ പരിശോധന ഭക്ഷണശാലകളില് ഉണ്ടാകുമെന്ന് അധികൃതര് അറിയിച്ചു.
