ലക്നൗ : ഉത്തര് പ്രദേശില് വിമത കോണ്ഗ്രസ് എം.എല്.എ ബി.ജെ.പിയില് ചേര്ന്നു. റായ്ബറേലിയില് നിന്നുള്ള നിയമസഭാംഗം അദിതി സിംഗാണ് ബുധനാഴ്ച ബി.ജെ.പിയില് ചേര്ന്നത്. ഉത്തര് പ്രദേശില് അടുത്ത വര്ഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് അദിതി കോണ്ഗ്രസ് വിട്ട് ബി.ജെ.പിയില് ചേര്ന്നത്. കഴിഞ്ഞ മേയ് മാസത്തില് അദിതി സിംഗിനെ കോണ്ഗ്രസിന്റെ വനിതാ സംഘടനയില് നിന്നും പുറത്താക്കിയിരുന്നു.
കാര്ഷിക നിയമങ്ങളെ എതിര്ത്ത കോണ്ഗ്രസ് അഖിലേന്ത്യാ ജനറല് സെക്രട്ടറി പ്രിയങ്ക ഗാന്ധിയെ വിമര്ശിച്ച് ഇവര് രംഗത്തെത്തിയിരുന്നു. ” പുതിയ ബില്ലുകള് അവതരിപ്പിക്കുമ്പോള് അവര്ക്ക് പ്രശ്നമാണ്. നിയമങ്ങള് പിന്വലിക്കുമ്പോള് അവര്ക്ക് പ്രശ്നമാണ്. അവര്ക്ക് എന്താണ് വേണ്ടത്?. അവരത് വ്യക്തമായി പറയണം. അവര് വിഷയത്തെ രാഷ്ട്രീയവത്കരിക്കുകയാണ്. രാഷ്ട്രീയവത്കരിക്കാന് വിഷയങ്ങളില്ലാതെ നട്ടംതിരിയുകയാണ് അവര്.” – അദിതി സിംഗ് പറഞ്ഞതായി എ.എന്.ഐ റിപ്പോര്ട്ട് ചെയ്തു.
