ന്യുഡല്ഹി : ഉത്തര്പ്രദേശ് തിരഞ്ഞെടുപ്പില് കോണ്ഗ്രസ് സ്ഥാനാര്ത്ഥി പട്ടിക തയ്യാറാകുന്നു. ആദ്യഘട്ടത്തില് 125 പേരുടെ പട്ടിക എഐസിസി ജനറല് സെക്രട്ടറി പ്രിയങ്ക ഗാന്ധിവദ്ര പുറത്തുവിട്ടു. 2017ലെ ഉന്നാവോ പീഡനക്കേസില് ഇരയുടെ അമ്മയും സ്ഥാനാര്ത്ഥി പട്ടികയിലുണ്ട്. പട്ടികയില് 40 ശതമാനം സീറ്റുകള് വനിതകള്ക്കായി നീക്കി വച്ചിട്ടുണ്ട്. 40 ശതമാനം സീറ്റില് യുവജനങ്ങള് മത്സരിക്കുമെന്നും പ്രിയങ്ക അറിയിച്ചു. കോണ്ഗ്രസ് സമൂഹത്തിന് നല്കുന്ന സന്ദേശമാണ് പട്ടികയെന്ന് പ്രിയങ്ക പറഞ്ഞു. പീഡനത്തിന് ഇരയായെങ്കില് കോണ്ഗ്രസ് നിങ്ങളെ പിന്തുണയ്ക്കുമെന്ന സന്ദേശമാണിത്.- പ്രിയങ്ക വ്യക്തമാക്കി. മനരത്തെ സ്ത്രീകളുടെ ഉന്നമനത്തിനായി ‘പെണ്കുട്ടികള് പോരാടാന് ശേഷിയുള്ളവര്’ എന്ന സന്ദേശവുമായി പ്രിയങ്ക യു.പിയില് പ്രചാരണം നടത്തിയിരുന്നു. യു.പിയില് താന് തുടക്കമിട്ട കാര്യങ്ങള് താന് തുടരുമെന്നും തിരഞ്ഞെടുപ്പിനു ശേഷം താന് സംസ്ഥാനത്തു തന്നെ തുടരുമെന്നും സംസ്ഥാനത്ത പാര്ട്ടിയെ ശക്തിപ്പെടുത്തുമെന്നും പ്രിയങ്ക പറഞ്ഞു.
