പത്തനംതിട്ട : പത്തനംതിട്ട നഗരത്തില് വര്ഷങ്ങള്ക്ക് മുമ്പ് സ്ഥാപിച്ച തെരുവ് വിളക്കുകള് ജനങ്ങള്ക്ക് ഭീഷണിയാകുന്നു. താഴെ വെട്ടിപ്പുറം റോഡ്, സ്റ്റേഡിയം റോഡ് എന്നിവിടങ്ങളിലാണ് ഇത്തരത്തില് ഉപയോഗശൂന്യമായ പഴയ തെരുവ് വിളക്കുകള് അപകടകരമായി യാത്രകാരുടെ തലയ്ക്ക് മുകളില് നില്ക്കുന്നത്. വലിയ ഇരുമ്പ് തൂണുകള്ക്ക് മുകളില് സ്ഥാപിച്ചിരിക്കുന്ന ലൈറ്റുകള് പലതും തുരുമ്പിച്ച് ഒടിഞ്ഞു തൂങ്ങിയ അവസ്ഥയിലാണ്. പല തൂണുകളും ചുവട് ദ്രവിച്ച അവസ്ഥയിലുമാണ്.
വര്ഷങ്ങള്ക്ക് മുമ്പ് സ്ഥാപിച്ച തൂണുകളും ലൈറ്റുകളും ഉപയോഗശൂന്യമായിട്ടും നീക്കം ചെയ്യുവാന് പത്തനംതിട്ട നഗരസഭ തയ്യാറാകുന്നില്ല. റോഡരുകില് യാതൊരു പ്രയോജനവുമില്ലാതെ നില്ക്കുന്ന ഇരുമ്പ് തൂണുകളും ലൈറ്റുകളും വാഹനങ്ങള് പാര്ക്ക് ചെയ്യുന്നതിനുള്പ്പെടെ തടസവുമാണ്. ഉപയോഗശൂന്യവും അപകടകരവുമായ ഇത്തരം തെരുവ് വിളക്കുകള് അടിയന്തിരമായി നീക്കം ചെയ്യേണ്ടത് ആവശ്യമാണ്.
