തിരുവനന്തപുരം: അട്ടപ്പാടി മധു കൊലക്കേസില് സര്ക്കാരിന്റെ ഭാഗത്ത് നിന്നും ഗുരുതര വീഴ്ചയുണ്ടായെന്ന് പ്രതിപക്ഷനേതാവ് വി ഡി സതീശന്. കേസ് നടത്തിപ്പില് സര്ക്കാരിന് ഗുരുതരമായ വീഴ്ചകളുണ്ടായിട്ടും 14 പ്രതികള് കുറ്റക്കാരാണെന്ന് കണ്ടെത്തിയ കോടതി വിധി കേരളീയ പൊതു സമൂഹത്തിന് സന്തോഷം നല്കുന്നു. മധുവിന്റെ അമ്മയുടേയും സഹോദരിയുടേയും പോരാട്ടവീര്യവും നിശ്ചയദാര്ഢ്യവും ഈ കേസില് നിര്ണായകമായി. കേസ് നടത്തിപ്പില് സര്ക്കാരും പ്രോസിക്യൂഷനും പലപ്പോഴും നിസംഗരായിരുന്നു. സാക്ഷികളെ പണം കൊടുത്ത് സ്വാധീനിക്കാന് ശ്രമിച്ചുവെന്നും പ്രതിപക്ഷ നേതാവ് ആരോപിച്ചു.
മധുക്കേസില് 16 പേരില് 14 പേര് കുറ്റക്കാരെന്ന് കോടതി കണ്ടെത്തിയിരിക്കുകയാണ്. നാലും പതിനൊന്നും പ്രതികളെയാണ് കോടതി വെറുതെ വിട്ടത്. പ്രതികള് കാട്ടില് കയറി മധുവിനെ ഉപദ്രവിക്കുകയായിരുന്നു. കൊലപാതകം നടന്ന് അഞ്ച് വര്ഷം നീണ്ട പ്രതിസന്ധികള്ക്കും നാടകീയതകള്ക്കും ഒടുവിലാണ് മണ്ണാര്ക്കാട് എസ്സി എസ് ടി പ്രത്യേക കോടതി വിധി പുറപ്പെടുവിച്ചത്. 2018 ഫെബ്രുവരി 22നാണ് മോഷ്ടാവെന്നാരോപിച്ച് ആദിവാസിയായ മധുവിനെ ജനക്കൂട്ടം കെട്ടിയിട്ട് മര്ദ്ദിച്ചത്.
