കോന്നി : കോന്നി വി കോട്ടയത്ത് വൃദ്ധയെ തോട്ടിൽ മരിച്ച നിലയിൽ കണ്ടെത്തി. തടത്തിൽ കോളനിയിൽ തങ്കമ്മ (65)യെ ആണ് മരിച്ച നിലയിൽ കണ്ടെത്തിയത്. വി കോട്ടയം വല്ലൂപ്പാലം ചാവരുകാവിൽ ആയിരുന്നു സംഭവം. ചാവരുകാവ് തോട്ടിലെ ചീപ്പിനോട് ചേർന്ന് ആണ് വെള്ളത്തിൽ മൃതദേഹം കണ്ടെത്തിയത്. വൈകീട്ട് 6.45 ഓടെ ആയിരുന്നു സംഭവം. തൊഴിലുറപ്പ് ജോലിക്ക് പോയ തങ്കമ്മ ജോലി കഴിഞ്ഞ് തിരികെ വരുമ്പോൾ ആയിരുന്നു സംഭവം. മറ്റു തൊഴിലാളികൾ തിരികെ വീട്ടിൽ എത്തിയപ്പോഴും തങ്കമ്മയെ കാണാതെ ബന്ധുക്കൾ അന്വേഷിച്ച് ഇറങ്ങിയപ്പോൾ ആണ് മൃതദേഹം കണ്ടെത്തുന്നത്. തലയിൽ ആഴത്തിൽ മുറിവേറ്റിട്ടിട്ടുണ്ട്. കോന്നി പോലീസും ഫയർ ഫോഴ്സും സ്ഥലത്ത് എത്തി നടപടികൾ സ്വീകരിച്ചു. മൃതദേഹം പത്തനംതിട്ട മോർച്ചറിയിലേക്ക് മാറ്റി.
