ന്യൂഡല്ഹി : സര്വകലാശാല ചട്ടഭേദഗതി ബന്ധുനിയമനങ്ങളെ സാധുവാക്കാനുള്ള സി.പി.എം. നീക്കമെന്നു കേന്ദ്രവിദേശകാര്യസഹമന്ത്രി വി.മുരളീധരന്. സ്വജനപക്ഷപാതം നിയമപരമാക്കാന് നിയമസഭയെ ഉപയോഗിക്കുകയാണു മുഖ്യമന്ത്രി പിണറായി വിജയനെന്ന് അദ്ദേഹം കുറ്റപ്പെടുത്തി. ജനം ജയിപ്പിച്ചുവിട്ടത് സി.പി.എം. നേതാക്കളുടെ ബന്ധുക്കള്ക്ക് ജോലി തരപ്പെടുത്താനാണെന്ന മട്ടില് ജനാധിപത്യത്തെ വെല്ലുവിളിക്കരുത്.
അഴിമതി നടത്താന് എന്തെല്ലാം ചെയ്യുമോ അതെല്ലാമാകാം എന്നതാണ് സര്ക്കാര് നയമെന്നും വി.മുരളീധരന് പറഞ്ഞു. യു.ജി.സി. ചട്ടങ്ങള് സംസ്ഥാനങ്ങള്ക്ക് ബാധകമല്ലെന്ന നിയമമന്ത്രി പി.രാജീവിന്റെ വാദം തെറ്റെന്ന് കേന്ദ്രമന്ത്രി പറഞ്ഞു. പി..രാജീവ് നിയമസഭയെ തെറ്റിദ്ധരിപ്പിച്ചെന്നും വി.മുരളീധരന് പറഞ്ഞു.
