തിരുവനന്തപുരം : തിരുവല്ലത്ത് പോലീസ് കസ്റ്റഡിയില് മരിച്ച സുരേഷിന്റെ വീട് മന്ത്രി വി.ശിവന്കുട്ടി സന്ദര്ശിച്ചു. കുറ്റക്കാര്ക്കെതിരെ മുഖം നോക്കാതെ നടപടിയെടുക്കുമെന്ന് മന്ത്രി ഫേസ്ബുക്ക് കുറിപ്പില് പറഞ്ഞു. സുരേഷിന്റെ മാതാപിതാക്കളെയും ബന്ധുക്കളെയും ആശ്വസിപ്പിച്ച അദ്ദേഹം ജഡ്ജിക്കുന്നിലെ സംഭവവികാസങ്ങളും കസ്റ്റഡി മരണം സംബന്ധിച്ച വിവരങ്ങളും ചോദിച്ചറിഞ്ഞു.
സി.പി.എം സംസ്ഥാന സമ്മേളനവുമായി ബന്ധപ്പെട്ട് കൊച്ചിയിലായതിനാലാണ് സുരേഷിന്റെ വീട് സന്ദര്ശിക്കാന് വൈകിയതെന്ന് മന്ത്രി വീട്ടുകാരെ അറിയിച്ചു. ജഡ്ജിക്കുന്നിലെ സംഭവങ്ങളും സുരേഷിന്റെ മരണവും നിര്ഭാഗ്യകരമാണ്. പോസ്റ്റുമോര്ട്ടം റിപ്പോര്ട്ടിന്റെ അടിസ്ഥാനത്തില് കര്ശന നടപടിയുണ്ടാകുമെന്നും പോലീസിന് വീഴ്ചയുണ്ടായിട്ടുണ്ടോയെന്ന് പരിശോധിക്കുമെന്നും മന്ത്രി പറഞ്ഞു .
