തിരുവനന്തപുരം : അര്ഹരായ എല്ലാവരെയും ക്ഷേമനിധിയില് ചേര്ക്കാന് നടപടിയെടുക്കണമെന്ന് മന്ത്രി വി.ശിവന്കുട്ടി. കേരള ഷോപ്സ് ആന്ഡ് കൊമേഷ്യല് എസ്റ്റാബ്ലിഷ്മെന്റ് തൊഴിലാളി ക്ഷേമനിധി ബോര്ഡ് പ്രതിനിധികളുടെ സംസ്ഥാനതല നേതൃയോഗത്തില് സംസാരിക്കുകയായിരുന്നു മന്ത്രി. 2007ല് പ്രാബല്യത്തില് വന്ന കേരള ഷോപ്സ് ആന്ഡ് കൊമേഷ്യല് എസ്റ്റാബ്ലിഷ്മെന്റ് തൊഴിലാളി ക്ഷേമനിധി പദ്ധതിയില് 1,95,108 സ്ഥാപനങ്ങളില് നിന്നായി 14,37,127 അംഗങ്ങളാണ് നിലവിലുള്ളത്.
നിലവിലെ അംശാദായം തൊഴിലാളി-തൊഴിലുടമ വിഹിതം ചേര്ത്ത് 40 രൂപയാണ്. ഓരോ മൂന്ന് വര്ഷവും അംശാദായം വര്ദ്ധിപ്പിക്കാനുള്ള വ്യവസ്ഥ ക്ഷേമ പദ്ധതിയിലുണ്ട്. ഇതു പ്രകാരം സെപ്തംബര് 1 മുതല് 100 രൂപ വര്ദ്ധിപ്പിക്കുമെന്നും അദ്ദേഹം പറഞ്ഞു.
