തിരുവനന്തപുരം : ക്ലാസ് സമയത്ത് ഒരു വിദ്യാര്ത്ഥിയെ പോലും മറ്റ് പരിപാടികളില് പങ്കെടുക്കാന് വിടരുതെന്ന് വിദ്യാഭ്യാസ മന്ത്രി വി.ശിവന്കുട്ടി.
പല സ്ഥലങ്ങളിലും ചടങ്ങിന് ചെല്ലുമ്പോള് കുട്ടികളെ താലപ്പൊലിയുമായി കൊണ്ടു നിര്ത്താറുണ്ട്. ഇനി മുതല് സ്കൂളുകളില് അങ്ങനെ ഒരു പരിപാടിയും പ്രോത്സാഹിപ്പിക്കാന് പാടില്ലെന്നും വി.ശിവന് കുട്ടി പറഞ്ഞു. ഇത് സംബന്ധിച്ചുള്ള നിര്ദ്ദേശം ഉദ്യോഗസ്ഥര്ക്ക് നല്കിയതായും അദ്ദേഹം വ്യക്തമാക്കി. കേരള ടീച്ചേഴ്സ് അസോസിയേഷന് തിരുവനന്തപുരം ജില്ലാ സമ്മേളനത്തില് പങ്കെടുക്കുകയായിരുന്നു അദ്ദേഹം.
