25.2 C
Pathanāmthitta
Saturday, April 30, 2022 4:54 am

വാഹനീയം അദാലത്ത് 23ന് ഗതാഗത മന്ത്രി ഉദ്ഘാടനം ചെയ്യും

പത്തനംതിട്ട : മോട്ടോര്‍ വാഹന വകുപ്പിന്റെ വാഹനീയം അദാലത്ത് ഏപ്രില്‍ 23ന് രാവിലെ 10ന് പത്തനംതിട്ട പൊതുമരാമത്ത് വകുപ്പ് റസ്റ്റ് ഹൗസില്‍ ഗതാഗത വകുപ്പ് മന്ത്രി അഡ്വ. ആന്റണി രാജു ഉദ്ഘാടനം ചെയ്യും. ആരോഗ്യ വകുപ്പ് മന്ത്രി വീണാ ജോര്‍ജ്, ജില്ലയിലെ എംഎല്‍എമാര്‍, പത്തനംതിട്ട നഗരസഭ ചെയര്‍മാന്‍, കൗണ്‍സിലര്‍മാര്‍, ആര്‍ടിഒ, ജോയിന്റ് റീജിയണല്‍ ട്രാന്‍സ്‌പോര്‍ട്ട് ഓഫീസര്‍മാര്‍ എന്നിവര്‍ പങ്കെടുക്കും.

പരിഹരിക്കപെടാത്ത അപേക്ഷകള്‍ ഒത്തുതീര്‍പ്പാക്കുകയാണ് അദാലത്തിന്റെ പ്രധാന ഉദ്ദേശം. പരാതികള്‍ ഏപ്രില്‍ 21ന് മുന്‍പായി അതത് ആര്‍ടി ഓഫീസുകളില്‍ എത്തിക്കണം. അദാലത്ത് ദിവസം ഗതാഗത വകുപ്പുമായി ബന്ധപ്പെട്ട പരാതികള്‍ മന്ത്രി നേരിട്ട് സ്വീകരിക്കുമെന്നും ആര്‍ടിഒ എ.കെ. ദിലു അറിയിച്ചു.

- Advertisment -
- Advertisment -
Advertisment
- Advertisment -

Most Popular