പത്തനംതിട്ട : പ്രമാടം പൂങ്കാവ് ജംഗ്ഷനില് വാനും സ്കൂട്ടറും കൂട്ടിയിടിച്ച് രണ്ട് പേര്ക്ക് പരിക്ക്. വാന് ഡ്രൈവര് മനുവിനും സ്കൂട്ടറില് സഞ്ചരിച്ചിരുന്ന യുവാവിനുമാണ് പരിക്കേറ്റത്. അപകടത്തില് നിയന്ത്രണം വിട്ട വാന് തലകീഴായി മറിഞ്ഞു. ഇന്ന് ഉച്ചകഴിഞ്ഞ് മൂന്നരയോടെയായിരുന്നു അപകടം. അപകടത്തില് പരിക്കേറ്റ ഇരുവരെയും പത്തനംതിട്ട ജനറല് ആശുപത്രിയില് പ്രവേശിപ്പിച്ചു. വാഹനങ്ങള് സ്ഥലത്ത് നിന്നും നീക്കം ചെയ്തു. പത്തനംതിട്ട പോലീസ് സ്ഥലത്തെത്തി നടപടികള് സ്വീകരിച്ചു. പൂങ്കാവ് ജംഗ്ഷനില് അടുത്തിടെയായി വാഹനാപകടങ്ങള് വര്ധിച്ച് വരികയാണ്. കോന്നി – ചന്ദനപ്പള്ളി റോഡും അഴൂര് – പൂങ്കാവ് റോഡും മല്ലശേരിമുക്ക് – പൂങ്കാവ് റോഡും കൂടിച്ചേരുന്ന ജംഗ്ഷനില് ചെറുതും വലുതുമായ നിരവധി വാഹനാപകടങ്ങള് നടന്നിട്ടുണ്ട്. റോഡില് സിഗ്നല് സംവിധാനങ്ങളോ സുരക്ഷാ സംവിധാനങ്ങളോ ഇല്ലാത്തതും അപകടങ്ങള്ക്ക് കാരണമാകുന്നതായി സമീപവാസികള് പറയുന്നു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
