കൊല്ലം: അക്രമിയുടെ കുത്തേറ്റ് കൊല്ലപ്പെട്ട ഡോക്ടര് വന്ദനയുടെ മരണത്തില് അനുശോചനമറിയിച്ച് കോണ്ഗ്രസ് നേതാവ് രാഹുല് ഗാന്ധി. ഡോക്ടര് വന്ദനയുടെ കുടുംബാംഗങ്ങളെ രാഹുല് ഗാന്ധി അനുശോചനമറിയിച്ചു. ആരോഗ്യപ്രവര്ത്തകര് തുടര്ച്ചയായി ആക്രമിക്കപ്പെടുന്നത് ആശങ്കാജനകമെന്നും രാഹുല് ഗാന്ധി പ്രതികരിച്ചു. അവരുടെ സുരക്ഷ സര്ക്കാരിന്റെ മുഖ്യപരിഗണന ആയിരിക്കണമെന്നും രാഹുല് ഗാന്ധി പറഞ്ഞു. അതേസമയം ഡോ. വന്ദന ദാസിന്റെ സംസ്കാര ചടങ്ങുകള് പൂര്ത്തിയായി.
കോട്ടയം മുട്ടുചിറയിലെ വീട്ടുവളപ്പിലാണ് ഡോ. വന്ദനയുടെ മൃതദേഹം സംസ്കരിച്ചത്. വന് ജനാവലിയാണ് വന്ദനയ്ക്ക് അന്ത്യാഞ്ജലി അര്പ്പിക്കാന് വീട്ടിലേക്ക് എത്തിയത്. മന്ത്രി വി എന് വാസവന്, കേന്ദ്രമന്ത്രി വി മുരളീധരന്, സ്പീക്കര് എഎന് ഷംസീര്, തോമസ് ചാഴിക്കാടന് എംപി, എംഎല്എമാരായ തിരുവഞ്ചൂര് രാധാകൃഷ്ണന്, മോന്സ് ജോസഫ് തുടങ്ങിയവര് സംസ്കാരചടങ്ങില് പങ്കെടുത്തു. വീടിന് സമീപം, അപ്പൂപ്പന്റെയും അമ്മൂമ്മയുടേയും ചിതയൊരുക്കിയതിന് തൊട്ടടുത്തായിട്ടാണ് വന്ദനയ്ക്ക് ചിതയൊരുക്കിയത്.
