റാന്നി : പട്ടികജാതി/പട്ടികവർഗ്ഗ ജനവിഭാഗങ്ങളുടെ വികസനത്തിനായി സർക്കാർ നടപ്പിലാക്കി വരുന്ന പദ്ധതികള് കാര്യക്ഷമതയോടും സുതാര്യതയോടും സമയബന്ധിതമായി പൂര്ത്തിയാക്കുവാന് നിയോജക മണ്ഡല അടിസ്ഥാനത്തിലുള്ള മോണിറ്ററിംഗ് കമ്മിറ്റി നടന്നു. റാന്നി ഗ്രാമ പഞ്ചായത്ത് ഹാളിൽ നടന്ന യോഗം റാന്നി എം എൽ എ അഡ്വ. പഴകുളം മധു ഉദ്ഘാടനം ചെയ്തു. റാന്നി ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് അധ്യക്ഷത വഹിച്ചു. യോഗത്തില് ജില്ല,ബ്ലോക്ക്,ഗ്രാമ പഞ്ചായത്തുകളുടെ ഘടക പദ്ധതി നടപ്പാക്കുന്നത് സംബന്ധിച്ച് അവലോകനം നടത്തി. ജില്ലാ പഞ്ചായത്ത് അംഗങ്ങളായ ആരോൺ ബിജിലി പനവേലി, ജൂലി സാബു, ജി.സതീഷ് ബാബു, സനോജ് മേമന, പി.ആര് മഹേഷ് എന്നിവർ സംസാരിച്ചു.
ഇലന്തൂർ, കോയിപ്രം, മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ്മാർ, ഗ്രാമപഞ്ചായത്ത് പ്രസിഡന്റ്മാർ, പട്ടിക വിഭാഗം ജനപ്രതിനിധികൾ, സെക്രട്ടറിമാർ, അസിസ്റ്റൻ്റ് എഞ്ചിനീയറന്മാർ, ജില്ലാ നിർമ്മിതി കേന്ദ്രം ഉദ്യോഗസ്ഥർ, വിവിധ പഞ്ചായത്തുകളിലെ പട്ടിക ജാതി പ്രമോട്ടര്മാര്, റാന്നി ബ്ലോക്ക് പട്ടിക ജാതി വികസന ഓഫീസർ ബോബി മാത്യൂസ് എന്നിവർ പങ്കെടുത്തു.
