ദില്ലി: കേരളത്തിന് രണ്ടാം വന്ദേ ഭാരത് അനുവദിക്കുന്നത് പരിഗണനയിലാണെന്ന് കേന്ദ്ര റെയില്വേ മന്ത്രി അശ്വിനി വൈഷ്ണവ്. പ്രധാനമന്ത്രിയുടെ അനുമതി ഇതിനായി തേടുമെന്നും മന്ത്രി വ്യക്തമാക്കി. കേരളത്തിന് ഒരു വന്ദേ ഭാരത് എക്സ്പ്രസ് കൂടി കിട്ടുമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് കഴിഞ്ഞ മാസം പറഞ്ഞിരുന്നു. കാസര്കോട് നിന്ന് തലസ്ഥനത്തേക്ക് ഒരു വന്ദേ ഭാരത് ട്രെയിന് കൂടി അനുവദിക്കുമെന്ന് കേന്ദ്ര റെയില്വേ മന്ത്രി ഉറപ്പ് നല്കിയെന്നാണ് സുരേന്ദ്രന് അറിയിച്ചത്.
വൈകാതെ നടപടികള് പൂര്ത്തിയാക്കി ഒരു വന്ദേ ഭാരത് കൂടി കേരളത്തില് ഓടി തുടങ്ങുമെന്നാണ് കെ സുരേന്ദ്രന് വാര്ത്താസമ്മേളനത്തില് പറഞ്ഞത്. വന്ദേ ഭാരത് ട്രെയിനുകളിലെ യാത്രക്കാരുടെ എണ്ണത്തില് രാജ്യത്ത് ഒന്നാമതായി മാറാന് കേരളത്തിന് കഴിഞ്ഞിരുന്നു. കാസര്ഗോഡ് നിന്ന് തിരുവനന്തപുരത്തേക്കുള്ള വന്ദേ ഭാരത് ട്രെയിനിന്റെ ശരാശരി ഒക്യുപെന്സി കണക്കുകളും കഴിഞ്ഞ മാസമാണ് പുറത്ത് വന്നത്. ഇവയില് കാസര്ഗോഡ് തിരുവനന്തപുരം വന്ദേ ഭാരതിന്റെ ഒക്യുപെന്സി 183 ശതമാനമാണ്. തിരുവനന്തപുരം കാസര്ഗോഡേയ്ക്കുള്ള വന്ദേഭാരതിലെ ശരാശരി ഒക്യുപെന്സി 176 ശതമാനമാണ്.
