കോട്ടയം : വനിതാ വികസന കോര്പ്പറേഷന്റെ വിവിധ വായ്പകള്ക്കുള്ള അപേക്ഷ ക്ഷണിച്ചു. നിശ്ചിത വരുമാന പരിധിയിലുള്ള 18നും 55നും മദ്ധ്യേ പ്രായമുള്ള തൊഴില്രഹിതരായ വനിതകള്ക്കാണ് വായ്പ നല്കുക. 5 വര്ഷം തിരിച്ചടവ് കാലാവധിയില് 6% പലിശനിരക്കിലാണ് വ്യക്തിഗത വായ്പ. ജില്ലാ മൈക്രോഫിനാന്സ് പദ്ധതിയില് കുടുംബശ്രീ സി.ഡി.എസിന് 3%, 3.5% പലിശ നിരക്കില് 1.5 കോടി രൂപ വരെ വായ്പയും നല്കും. സി.ഡി.എസിന് കീഴിലുള്ള എസ്.എച്ച്.ജി കള്ക്ക് 10 ലക്ഷം രൂപ വരെയും ഹരിതകര്മ്മസേന ശുചീകരണ തൊഴിലാളി യൂണിറ്റ് എന്നിവയ്ക്ക് 6 ലക്ഷം രൂപ വരെയും ലഭ്യമാണ്. ഫോണ് : 04812930323.
