തിരുവനന്തപുരം : വര്ക്കലയില് വീടിന് തീപിടിച്ചു മരിച്ച അഞ്ച് പേരുടെ സംസ്കാരം ഇന്ന്. ഇവരുടെ മൃതദേഹങ്ങള് വിലാപയാത്രയായി അപകടം നടന്ന വീട്ടിലെത്തിക്കും. സംസ്കാര ചടങ്ങുകള് ഉച്ചയോടെ വീട്ടുവളപ്പില് വച്ചു നടത്തും. അതേസമയം, തീയുടെ ഉറവിടം കണ്ടെത്താന് അന്വേഷണസംഘം തീപിടിത്തം പുനഃരാവിഷ്കരിച്ചിരുന്നു. പോലീസും ഇലക്ട്രിക്കല് ഇന്സ്പെക്ടറേറ്റ് ഉദ്യോഗസ്ഥരും ഫോറന്സിക്കും ചേര്ന്നാണ് തീപിടുത്തം പുനഃരാവിഷ്കരിച്ചത്. തീ പടര്ന്നതിന്റെ ഉറവിടം കണ്ടെത്താന് ഫോറന്സിക് ഫലമെത്തണം. തീ പടര്ന്നത് കാര് പോര്ച്ചില് നിന്നോ വീട്ടിനുള്ളില് നിന്നോ ആകാമെന്നാണ് നിഗമനം.
