മലപ്പുറം: ദേശീയപാത 66ലെ വളാഞ്ചേരി വട്ടപ്പാറ വളവില് ഇന്നലെ മൂന്നു പേര് മരിച്ച അതേ അപകടസ്ഥലത്ത് ഇന്നും അപകടം. ചരക്ക് ലോറി വട്ടപ്പാറ പ്രധാന വളവില് നിയന്ത്രണം വിട്ടു മറിഞ്ഞു. സ്ഥിരം അപകടമേഖലയായ ഈ വളവ് ഒഴിവാക്കിയുള്ള സമാന്തര പാതയുടെ നിര്മാണം ഇഴഞ്ഞുനീങ്ങുന്നതില് നാട്ടുകാര് പലവട്ടം പരാതിപ്പെട്ടിട്ടുണ്ട്. ഇതിനിടെയാണ് വീണ്ടും അപകടം ഉണ്ടായത്. അതേസമയം കഴിഞ്ഞ ദിവസം ഇതേ സ്ഥലത്ത് ലോറി മറിഞ്ഞ് മൂന്നു പേര് മരണപ്പെട്ടിരുന്നു.
തൃശൂര് ചാലക്കുടിയിലേക്ക് സവാള കയറ്റി പോയ ലോറിയാണ് മറിഞ്ഞത്. അപകടത്തില്പ്പെട്ട ലോറിയുടെ ക്യാബിനില് മൂന്ന് പേര് ഒരു മണിക്കൂറോളം കുടുങ്ങിക്കിടന്നു. ഏറെ നേരത്തെ ശ്രമഫലമായി ക്യാബിന് വെട്ടിപ്പൊളിച്ചാണ് അപകടത്തില്പ്പെട്ടവരെ പുറത്തെടുത്തത്. ഇന്നലെ രാവിലെ 7.20നായിരുന്നു അപകടം. വട്ടപ്പാറ വളവില്വച്ച് ലോറിയുടെ നിയന്ത്രണം നഷ്ടപ്പെടുകയായിരുന്നു. 30 അടി താഴ്ചയിലേക്കു ലോറി മറിഞ്ഞയുടനെ തന്നെ നാട്ടുകാര് ഓടിയെത്തി രക്ഷാപ്രവര്ത്തനം ആരംഭിച്ചിരുന്നു. കുടുങ്ങിക്കിടന്നവരെ പുറത്തെടുത്ത് നടക്കാവ് ആശുപത്രിയില് എത്തിച്ചപ്പോഴേക്കും മൂന്നുപേരും മരണപ്പെട്ടിരുന്നു.