റാന്നി : രസഹ്യ വിവരത്തിന്റെ അടിസ്ഥാനത്തില് പമ്പ പോലീസ് നടത്തിയ റെയ്ഡില് വാറ്റു ചാരായവുമായി രണ്ടു പേര് പിടിയിലായി. തുലാപ്പള്ളി റേഷൻകടപ്പടി ചക്കാലക്കുഴിയിൽ വീട്ടിൽ സാമുവൽ മകൻ കുഞ്ഞുമോൻ (മാത്യു വയസ്സ് 80), തുലാപ്പള്ളി മുളന്താനംപടി പൊന്നാംപറമ്പിൽ വീട്ടിൽ നാരായണൻ മകൻ കൃഷ്ണൻകുട്ടി(70) എന്നിവരെയാണ് പിടികൂടിയത്.
രസഹ്യ വിവരത്തിന്റെ അടിസ്ഥാനത്തില് മുളന്താനംപടിയിലെത്തിയ പോലീസ് നാട്ടുകാരുടെ സഹായത്തോടെയാണ് സ്ഥലം കണ്ടെത്തിയത്. ചാരായവും തൊണ്ടിമുതലും കസ്റ്റഡിയിലെടുത്ത പോലീസ് പ്രതികളെ വൈദ്യപരിശോധന നടത്തിയ ശേഷം കോടതിയില് ഹാജരാക്കി. പമ്പ എസ്.എച്ച്.ഒ വിപിന് ഗോപിനാഥ്, ഗ്രേഡ് എ.എസ്.ഐ സുഭാഷ്, സി.പി.ഒമായാരായ അനൂപ്, അനുകൃഷ്ണന്, സുധീഷ് എന്നിവരടങ്ങിയ സംഘമാണ് റെയ്ഡ് നടത്തിയത്.
