റാന്നി : അഖില കേരള പണ്ഡിതർ മഹാജനസഭ മുൻ സംസ്ഥാന പ്രസിഡന്റ് വി എ ബാലകൃഷ്ണൻ്റെ ഒന്നാമത് അനുസ്മരണ സമ്മേളനം മേയ് 15 രാവിലെ 10.30 ന് ഇളമക്കര എന്‍.എസ്.എസ് ഓഡിറ്റോറിയത്തിൽ ചേരും. അനുസ്മരണ സമ്മേളനത്തിൽ സംസ്ഥാന പ്രസിഡന്റ് സി.ജി ശശിചന്ദ്രൻ അദ്ധ്യക്ഷത വഹിക്കും. കേരള നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യും.
കൊച്ചി മേയർ എം.അനിൽകുമാർ അനുസ്മരണ പ്രഭാഷണം നടത്തും. ടി.ജെ വിനോദ് എം.എല്‍.എ രക്തദാനക്യാമ്പിൻ്റെ സംസ്ഥാനതല ഉദ്ഘാടനം നിർവഹിക്കും. ജനറൽ സെക്രട്ടറി ഷിജുകുമാർ എരുമേലി , സീന ടീച്ചർ , എസ് .കുട്ടപ്പൻ ചെട്ടിയാർ, എം.സി.രഘു, എം.ആർ സജീഷ് രാജ്, കെ.വി ബിജു തുടങ്ങി രാഷ്ട്രീയ സാമൂഹ്യ സാമുദായിക നേതാക്കൾ പങ്കെടുക്കും.
