തിരുവനന്തപുരം : സ്ഥാനമാനങ്ങള്ക്കായി പാര്ട്ടിതോറും അലഞ്ഞു നടന്ന ആളാണ് ഗവര്ണര് എന്ന് വി.ഡി സതീശന്. ഗവര്ണര് ആരിഫ് മുഹമ്മദ് ഖാനെതിരെ രൂക്ഷവിമര്ശനവുമായി പ്രതിപക്ഷ നേതാവ് വി.ഡി സതീശന്. ഇന്ത്യന് രാഷ്ട്രീയത്തില് സ്ഥാനമാനങ്ങള്ക്കായി ഓടിനടന്നയാളാണ് ആരിഫ് മുഹമ്മദ് ഖാനെന്നും ഗവര്ണര് സ്ഥാനത്തിന് അദ്ദേഹം യോഗ്യനല്ലെന്നും സതീശന് തുറന്നടിച്ചു. അഞ്ചു പാര്ട്ടികളില് ഭിക്ഷം ദേഹിയെപ്പോലെ അലഞ്ഞു നടന്ന ആളാണ് ആരിഫ് മുഹമ്മദ് ഖാന്.
സര്ക്കാറിനെ വിലപേശാനാണ് അദ്ദേഹം ഇപ്പോള് ശ്രമിക്കുന്നത്. എന്നാല് ഭരണഘടനാ ബാധ്യത ചൂണ്ടിക്കാട്ടാന് സര്ക്കാറിന് സാധിച്ചില്ലെന്നും സതീശന് വ്യക്തമാക്കി. തനിക്ക് പ്രവർത്തിക്കാൻ ഗവര്ണറുടെ ഉപദേശം വേണ്ട. സര്ക്കാരും ഗവര്ണറും തമ്മിലുള്ള ധാരണ ജനങ്ങള്ക്ക് ഗുണകരമല്ലെന്നും അദ്ദേഹം കൊച്ചിയില് പറഞ്ഞു. സര്ക്കാര് ഗവര്ണറുടെ അനാവശ്യസമ്മര്ദത്തിന് വഴങ്ങുന്നുവെന്നും അദ്ദേഹം കുറ്റപ്പെടുത്തി.