പത്തനംതിട്ട : വെച്ചൂച്ചിറ പി.എം. ശ്രീ ജവഹർ നവോദയ വിദ്യാലയത്തിൽ 2027-28 അക്കാദമിക വർഷത്തെ ആറാം ക്ലാസ് പ്രവേശനത്തിന് അപേക്ഷ ക്ഷണിച്ചു. ജൂലൈ 31 ആണ് അപേക്ഷ സമർപ്പിക്കാനുള്ള അവസാന തീയതി. പത്തനംതിട്ട ജില്ലയിലെ സ്ഥിര താമസക്കാരും 2026-27 അക്കാദമിക് സെഷനിൽ ജില്ലയിലെ സർക്കാർ അല്ലെങ്കിൽ സർക്കാർ അംഗീകൃത സ്കൂളുകളിൽ അഞ്ചാം ക്ലാസ്സിൽ പഠിക്കുന്നവരുമായ വിദ്യാർത്ഥികൾക്ക് അപേക്ഷിക്കാം. ഓരോ ക്ലാസ്സിലും അക്കാദമിക് സെഷനിൽ പൂർണ്ണമായും പഠിച്ചവരും മൂന്നും നാലും ക്ലാസ്സുകൾ സർക്കാർ/സർക്കാർ അംഗീകൃത സ്കൂളുകളിൽ നിന്ന് പാസ്സായവരും ആയിരിക്കണം. 2015 മെയ് 1-നും 2017 ജൂലൈ 31-നും ഇടയിൽ (രണ്ട് തീയതികളും ഉൾപ്പെടെ) ജനിച്ചവരായിരിക്കണം അപേക്ഷകർ. പത്തനംതിട്ട ജില്ലയിൽ സ്ഥിര താമസക്കാരനായ ഒരു വിദ്യാർത്ഥി താമസസ്ഥലത്ത് നിന്ന് 10 കിലോമീറ്റർ ചുറ്റളവിലുള്ള അയൽ ജില്ലയിലെ അംഗീകൃത സ്കൂളിൽ പഠിക്കുകയാണെങ്കിലും അപേക്ഷിക്കാൻ യോഗ്യതയുണ്ട്.
അപേക്ഷകൾ http://navodaya.gov.in/ എന്ന വെബ്സൈറ്റ് വഴി സമർപ്പിക്കാവുന്നതാണ്. അപേക്ഷാ ഫോമും പ്രോസ്പെക്ടസും സൈറ്റിൽ ലഭ്യമാണ്. അക്ഷയ കേന്ദ്രം, ജനസേവന കേന്ദ്രം, അല്ലെങ്കിൽ സ്വന്തമായുള്ള ഇന്റര്നെറ്റ് സൗകര്യം എന്നിവ ഉപയോഗിച്ച് അപേക്ഷകൾ സമർപ്പിക്കാം. നവോദയ വിദ്യാലയത്തിൽ സൗജന്യ ഹെൽപ്പ് ഡെസ്ക് പ്രവർത്തിക്കുന്നുണ്ട്. ആവശ്യമായ രേഖകളും ഒപ്പുകളും രേഖപ്പെടുത്തിയ ഫോമും ഒ.ടി.പി. ലഭിക്കുന്നതിനായുള്ള സജീവമായ മൊബൈൽ നമ്പറുമായി വിദ്യാലയങ്ങളിലെ ഹെൽപ്പ് ഡെസ്ക്കിനെ നേരിട്ട് സമീപിക്കാനും സൗകര്യമുണ്ട്. ഹെൽപ്പ് ലൈൻ നമ്പറുകൾ – 04735294263, 9591196535, 9400220039. പ്രവേശന പരീക്ഷ 2026 നവംബർ 28-ന് രാവിലെ 11:30 മുതൽ ഉച്ചയ്ക്ക് 01:30 വരെ ജില്ലയിലെ വിവിധ കേന്ദ്രങ്ങളിൽ വെച്ച് നടക്കും.
