കൊല്ലം: സംസ്ഥാനത്ത് കത്തിക്കയറി പച്ചക്കറി വില. ഇറച്ചിക്കോഴി വിലയ്ക്ക് പിന്നാലെയാണ് ഇരുട്ടടിയായി പച്ചക്കറി വിലയും കുതിച്ചത്. വെളുത്തുള്ളി, ക്യാരറ്റ്, മുരിങ്ങക്കായ, ബീന്സ് എന്നിവയുടെ വില നൂറ് രൂപ കടന്നു. ഇതര സംസ്ഥാനങ്ങളിലെ കാലാവസ്ഥാ മാറ്റമാണ് പച്ചക്കറി വില കൂടാന് കാരണം. കഴിഞ്ഞ മാസം 50 രൂപയായിരുന്ന മുരിങ്ങക്കായക്ക് വില 100 രൂപയായി. ബീന്സിന് 65 രൂപയില് നിന്നും ക്യാരറ്റ് 70 രൂപയില് നിന്നും 100 രൂപയായി. തക്കാളി വില 30 രൂപയില് നിന്ന് 60 രൂപയായി. പച്ച മുളകിന് 90 രൂപ കൊടുക്കണം.
ഉള്ളിയ്ക്കും വില ഇരട്ടിയായി. 80 രൂപയാണ് നിലവില് കിലോയ്ക്ക് ഉള്ളി വില. വെളുത്തുള്ളിയ്ക്ക് 45 രൂപ കൂടി കിലോ 130 ആയി. വെണ്ടയ്ക്ക ഇരട്ടിയിലേറെ വില കൂടി, 45 രൂപ. ക്വാളി ഫ്ലവറിറ് ഇരട്ടി വിലയാണ്, 60 രൂപ. ഇഞ്ചി വില 180 ല് എത്തി. സവാള വില 20 ല് തുടരുകയാണ്. ട്രോളിംഗ് നിരോധിച്ചതോടെ മീന് വിലയും ഇരട്ടിയായി. ധാന്യങ്ങള്ക്കും 10 മുതല് 20 രൂപ വരെ കൂടി.
