ചാത്തന്നൂര്: കെഎസ്ആര്ടിസിയുടെ ബസുകള് പഴയ ചുവപ്പു നിറത്തിലേക്ക് മടങ്ങുന്നു. വേണാട് ബസുകളുടെ വെള്ളനിറം ഇനി ഉണ്ടാവില്ല. എല്ലാ ഓര്ഡിനറി ബസുകള്ക്കും ഇനി ചുവപ്പുനിറം മാത്രം. ക്രീം കളര് ബോര്ഡറും. ഫാസ്റ്റ് പാസഞ്ചറുകള്ക്ക് നിലവിലുള്ള ചുവപ്പുനിറവും മഞ്ഞനിറവും തന്നെ. അതിന് മാറ്റമില്ല.എന്നാല് കെഎസ്ആര്ടിസിയുടെ സിറ്റി ഷട്ടില്, സിറ്റി സര്ക്കുലര്, സിറ്റി റേഡിയല്, ജന്റം ബസുകളുടെ നിറം നിലവിലുള്ളത് തന്നെയായിരിക്കും. ഇതിന് മാറ്റമുണ്ടാവില്ല.
ജില്ലാ ഓഫീസുകള് ആരംഭിക്കുന്നതിന് മുമ്പു തന്നെ ബസുകള്ക്ക് ജില്ലാ തലത്തില് നമ്പര് നല്കിയിരുന്നു. മുമ്പ് ബസില് ഏത് ഡിപ്പോയിലെ ബസ് എന്ന് വ്യക്തമായി എഴുതിയിട്ടുണ്ടായിരുന്നു.കേരളത്തിലെ 98 ഡിപ്പോകള് ഓപ്പറേറ്റിംഗ് സെന്ററുകളാക്കുകയും 15 ജില്ലാ ഓഫീസുകള് രൂപീകരിക്കുകയും ചെയ്യുന്നതിന് മുന്നോടിയായിട്ടായിരുന്നു ബസുകള്ക്ക് ജില്ലാ തലത്തില് നമ്പർ നല്കിയതും ഡിപ്പോകളുടെ പേരു മാറ്റിയതും.ഓരോ ബസിന്റെയും വാര്ഷിക ഫിറ്റ്നെസ് പരിശോധനയ്ക്ക് മോട്ടോര് വാഹനവകുപ്പ് അധികൃതര്ക്ക് മുമ്പാകെ ഹാജറാക്കുന്നത് ചുവപ്പുനിറവും ക്രീം ബോര്ഡറും ഉള്ള ബസുകളായിരിക്കണമെന്ന് എം ആന്ഡ് ഡബ്ല്യൂ എക്സിക്യുട്ടീവ് ഡയറക്ടര് കഴിഞ്ഞ ദിവസം ഉത്തരവിറക്കിയിട്ടുണ്ട്.
