ന്യൂഡൽഹി : മറാഠ സംവരണ കേസിലെ സുപ്രീം കോടതി വിധി പുതിയ പ്രതിസന്ധികൾക്കു വഴിവെയ്ക്കുകയാണ്. കേന്ദ്രത്തിലും കേരളത്തിലുമുള്ള മുന്നോക്ക സംവരണ വ്യവസ്ഥയ്ക്ക് എന്തു സംഭവിക്കുമെന്നതാണ് ഒരു പ്രശ്നം. പിന്നോക്ക വിഭാഗങ്ങളെ തീരുമാനിക്കാൻ സംസ്ഥാനങ്ങൾക്ക് അധികാരമില്ലെന്ന വിധിയാണ് രണ്ടാമത്തെ പ്രശ്നം. ഈ വിഷയത്തിൽ കേന്ദ്ര സർക്കാരിന്റെ വാദങ്ങൾ തള്ളുകയും സർക്കാർ കൊണ്ടുവന്ന ഭേദഗതി ശരിവെയ്ക്കുകയുമാണ് കോടതി ചെയ്തത്.
