പത്തനംതിട്ട : സാംസ്കാരിക വകുപ്പും കേരള ഫോക്ലോര് അക്കാദമിയും ജില്ലാ ഭരണകൂടവും പള്ളിയോട സേവാസംഘവും സംയുക്തമായി നടത്തുന്ന ആദരവ് പരിപാടി ചെഞ്ചല്യം-2022 നാളെ (സെപ്റ്റംബര് 7) രാവിലെ 10 ന് ആറന്മുള പാഞ്ചജന്യം ഓഡിറ്റോറിയത്തില് നടക്കും. സാംകാരിക വകുപ്പ് മന്ത്രി വി.എന്. വാസവന് ഉദ്ഘാടനം ചെയ്യും. ഫോക്ലോര് അക്കാദമി ചെയര്മാന് ഒ.എസ്. ഉണ്ണിക്കൃഷ്ണന് അധ്യക്ഷത വഹിക്കും. പള്ളിയോടക്കരകളില് നിന്നുള്ള മുതിര്ന്ന വഞ്ചിപ്പാട്ട് കലാകാരന്മാരെ ചടങ്ങില് ആദരിക്കും. പരിപാടിയുടെ ഭാഗമായി സെമിനാറും വഞ്ചിപ്പാട്ട് അവതരണവും നടക്കും.
