റാന്നി: പമ്പാനദിയിലെ റാന്നി വലിയപാലത്തില് നിന്നും നദിയില് ചാടി ആത്മഹത്യ ചെയ്ത യുവാവിന്റെ മൃതദേഹം കണ്ടെടുത്തു. അങ്ങാടി നെല്ലിക്കമണ് തൈപ്പറമ്പില് ടി.എസ് ബാബുവിന്റെ മകന് ബിബിന്ടി ബാബു(29)വിന്റെ മൃതദേഹമാണ് കിട്ടിയത്. ഇന്നലെ രാവിലെ വാഴക്കുന്നം ഭാഗത്തു കൂടി നദിയില് മൃതദേഹം ഒഴുകിനടക്കുന്നതു കണ്ട നാട്ടുകാര് അറിയിച്ചതനുസരിച്ച് അഗ്നിശമന സേനയെത്തി ചെറുകോലില് വെച്ച് മൃതദേഹം കരയ്ക്കടിപ്പിക്കുകയായിരുന്നു.കോട്ടയം മെഡിക്കല് കോളേജ് ആശുപത്രിയില് പോസ്റ്റുമോര്ട്ടം ചെയ്ത മൃതദേഹം സംസ്ക്കരിച്ചു. സ്വകാര്യ ബസ് ജീവനക്കാരനായ ബിബിന് അവിവാഹിതനാണ്.
