തിരുവനന്തപുരം: പോലീസിന്റെ ക്രമക്കേടില് അന്വേഷണം ആവശ്യമില്ലെന്ന് വിജിലന്സ് കോടതിയെ അറിയിച്ചു. തിരുവനന്തപുരം സിജെഎം കോടതിയിലാണ് വിജിലന്സ് സത്യവാങ്മൂലം നല്കിയത്. സിഎജി റിപ്പോര്ട്ടിലെ പോലീസിലെ ക്രമക്കേട് സംബന്ധിച്ചുള്ള കണ്ടെത്തലുകളെക്കുറിച്ച് അന്വേഷണം നടത്തേണ്ടത് പബ്ലിക് അക്കൗണ്ട് കമ്മിറ്റിയാണെന്നും വിജിലന്സിന് ഇക്കാര്യങ്ങള് അന്വേഷിക്കാന് സാധിക്കില്ലെന്നും കോടതിയെ അറിയിച്ചു.
പോലീസിനെതിരായ സിഎജി റിപ്പോര്ട്ടില് വിജിലന്സ് അന്വേഷണം വേണമെന്ന് ആവശ്യപ്പെട്ട് സമര്പ്പിച്ച ഹര്ജി പരിഗണിക്കുന്നതിനിടെയാണ് വിജിലന്സ് ഈ നിലപാട് അറിയിച്ചത്. കേസ് മാര്ച്ച് ഒന്പതിന് പരിഗണനയില് വെയ്ക്കും.
