അരി കള്ളക്കടത്ത് വിജിലിയൻസ് അന്വേഷണം നടത്തണം ; വർഗിസ് മാമ്മൻ

പത്തനംതിട്ട :  കോന്നി, സപ്ലൈകോയുടെ ഗോഡൗണിൽ നിന്നും അരി കടത്തിയ സംഭവത്തിൽ വിജിലിയൻ സ് അന്വേഷണം നടത്തണമെന്ന് കേരള കോൺഗ്രസ് ജില്ലാ പ്രസിഡൻ്റ് അഡ്വ. വർഗിസ് മാമ്മൻ ആവിശ്യപ്പെട്ടു. കോന്നി സിവിൽ സപ്ലൈ ഗോഡൗണിൽ നടത്തിയ അരി കള്ളക്കടത്തിനെപ്പറ്റി അന്വേഷിക്കണമെന്നാവിശ്യപ്പെട്ടു കൊണ്ട് കേരള കോൺഗ്രസ് കോന്നി നിയോജക മണ്ഡലം കമ്മറ്റി സപ്ലൈ ഓഫീസിനു മുമ്പിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. റേഷൻ കടകളിലൂടെ പാവപ്പെട്ടവർക്കു വിതരണം ചെയ്യേണ്ട അരി രാത്രിയിൽ കടത്തിക്കൊണ്ടുപോയത് ഉദ്യോഗസ്ഥരും കള്ളക്കടത്തുകാരും തമ്മിലുള്ള അവിശുദ്ധ കൂട്ടുകെട്ടിൻ്റെ ഫലമാണെന്നും  സംഭവത്തിൽ സമഗ്രാന്വേഷണം നടത്തി സത്യാവസ്ഥ ജനങ്ങളെ ബോധ്യപ്പെടുത്തുവാൻ ഉത്തരവാദിത്വപ്പെട്ടവർ തയ്യാറാകണമെന്നും അദ്ദേഹം ആവിശ്യപ്പെട്ടു. യോഗത്തിൽ നിയോജമണ്ഡലം പ്രസിഡൻ്റ് ജോസ് കൊന്നപ്പാറ അധ്യക്ഷത വഹിച്ചു. കെ.റ്റി.യു.സി ജില്ലാ പ്രസിഡൻ്റ് തോമസ് കുട്ടി കുമ്മണ്ണൂർ, ജില്ലാ സെക്രട്ടറിമാരായ കെ.പി. തോമസ്, ജോൺ വട്ടപ്പാറ, അനിൽ ശാസ്തമംഗലം, ഏബ്രഹാം ചെങ്ങറ, രാജൻ പുതുവേലിൽ, കെ.സി. നായർ, ജോസ് കണ്ണംങ്കര, തോമസ് ചാക്കത്തറ, ബാബു കണ്ടത്തിങ്കൽ, ജോണി പനന്തോട്ടം എന്നിവർ പ്രസംഗിച്ചു.

സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍  ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച്  പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1