കൊച്ചി : ബലാത്സംഗക്കേസില് വിജയ് ബാബുവിന് ജാമ്യം നല്കിയതിനെതിരായ ഹര്ജി ഇന്ന് സുപ്രീംകോടതി പരിഗണിക്കും. മുന്കൂര് ജാമ്യം നല്കിയത് റദ്ദാക്കണമെന്ന് ആവശ്യപ്പെട്ട് സര്ക്കാരും പരാതിക്കാരിയും നല്കിയ ഹര്ജിയാണ് ഇന്ന് പരിഗണിക്കുക. അവധിക്കാല ബെഞ്ചാണ് ഹര്ജി പരിഗണിക്കുക. മുന്കൂര്ജാമ്യം ലഭിച്ച ശേഷം മാത്രം വിദേശത്ത് നിന്ന് ഇന്ത്യയിലേക്ക് മടങ്ങിയ വിജയ് ബാബു നിയമത്തെ വെല്ലുവിളിക്കുകയാണെന്നാണ് പരാതിക്കാരി സമര്പ്പിച്ച ഹര്ജിയില് പറയുന്നത്.
മുന്കൂര് ജാമ്യത്തില് കഴിയുന്ന പ്രതി കേസിലെ തെളിവുകള് നശിപ്പിക്കാന് സാധ്യത ഉണ്ടെന്നും വ്യക്തമാക്കിയിട്ടുണ്ട്. വിജയ് ബാബുവിന്റെ മുന്കൂര് ജാമ്യം റദ്ദാക്കണമെന്ന് സര്ക്കാരിന്റെ ആവശ്യം. മതിയായ തെളിവുകള് ഉണ്ടായിട്ടും ഹൈക്കോടതി പരിഗണിച്ചില്ലെന്നാണ് സുപ്രീംകോടതിയില് നല്കിയ ഹര്ജിയില് സര്ക്കാര് പറയുന്നത്.