പത്തനംതിട്ട : പശ്ചിമഘട്ട പരിസ്ഥിതിലോല മേഖലയായി കരട് വിജ്ഞാപനത്തില് ഉള്പ്പെട്ട ജില്ലയിലെ ഏഴുവില്ലേജുകളെ പൂര്ണ്ണമായി ഒഴിവാക്കണമെന്ന് ഡി.സി.സി. നേതൃയോഗം സംസ്ഥാന സര്ക്കാരിനോട് അഭ്യര്ത്ഥിച്ചു. ജനവാസ പ്രദേശങ്ങളെ അന്തിമ വിജ്ഞാപനത്തില് പരിസ്ഥിതിലോല മേഖലയില് നിന്നും ഒഴിവാക്കി വനപ്രദേശങ്ങളില് മാത്രം നിജപ്പെടുത്തുവാന് നടപടി സ്വീകരിക്കുമെന്ന മുഖ്യമന്ത്രി വി.ഡി.സതീശന്റെ ശക്തമായ നിലപാടിനെയും പ്രഖ്യാപനത്തെയും യോഗം സ്വാഗതം ചെയ്തു. നേതൃയോഗം കെ.പി.സി.സി. ജനറല് സെക്രട്ടറി പി.മോഹന്രാജ് ഉദ്ഘാടനം ചെയ്തു. ഡി.സി.സി. പ്രസിഡന്റ് പ്രൊഫ.സതീഷ് കൊച്ചുപറമ്പില് അധ്യക്ഷത വഹിച്ചു.
ഡി.സി.സി.ഭാരവാഹികളായ അഡ്വ.എ.സുരേഷ് കുമാര്, വെട്ടൂര് ജ്യോതിപ്രസാദ്, സാമുവല് കിഴക്കുപുറം, എബ്രഹാം കുന്നുകണ്ടം, ജോണ്സണ് വിളവിനാല്, സജി കൊട്ടയ്ക്കാട്, ഹരികുമാര് പൂതങ്കര, ജി.രഘുനാഥ്, എബ്രഹാം മാത്യു പനച്ചമൂട്ടില്, ഏഴംകുളം അജു, സുനില് എസ്.ലാല്, സുനില്കുമാര് പുല്ലാട്, ഡി.എന്.തൃദീപ്, എസ്.വി.പ്രസന്നകുമാര്, കാട്ടൂര് അബ്ദുള്സലാം, ജെറി മാത്യു സാം, കെ.എന്.രാധാചന്ദ്രന്, കെ.വി.സുരേഷ് കുമാര്, ഈപ്പന് കുര്യന്, മണ്ണടി പരമേശ്വരന്, റോബിന് പരുമല, എം.എസ്. സിജു, കെ.ജി.അനിത, ദീനാമ്മ റോയി, സിന്ധു അനില്, എലിസബത്ത് അബു, സഖറിയ വര്ഗീസ് എന്നിവര് പ്രസംഗിച്ചു.
