പത്തനംതിട്ട : അടൂർ ആനന്ദപ്പള്ളി കോൺഗ്രസ് ഓഫീസിന് നേരെ രാത്രിയുടെ മറവിൽ അക്രമം. ഇന്നലെ കരിയോയിൽ ഒഴിക്കുകയും ബോർഡും കൊടിമരവും നശിപ്പിക്കുകയും ഉണ്ടായി. ആനന്ദപ്പള്ളി ജംഗ്ഷനിൽ സ്ഥാപിച്ചിരുന്ന കൊടിമരം നശിപ്പിച്ചു ചെയ്തു. കോൺഗ്രസ് ഓഫീസുകൾക്കും കൊടിമരങ്ങൾക്കും എതിരെ പരക്കെ അക്രമം നടത്തിയതിൽ ഇന്ന് വൈകീട്ട് അടൂർ കോൺഗ്രസ് ബ്ലോക്ക്‌ കമ്മിറ്റിയുടെ പേരിൽ നടത്തിയ പ്രതിഷേധ പ്രകടനത്തിന് നേരെ അക്രമികൾ അടൂർ സെൻട്രൽ ടോളിന് സമീപം ഏറ്റുമുട്ടി.
നിരവധിപ്പേർക്ക് പരിക്കേറ്റു. അതിന് ശേഷം അക്രമികൾ കോൺഗ്രസ് കൊടിമരം നശിപ്പിച്ചു. പോലീസ് സാന്നിധ്യത്തിൽ ആയിരുന്നു സംഭവവികാസങ്ങൾ അരങ്ങേറിയത്. ഏറ്റുമുട്ടലിൽ പരിക്കേറ്റ് യൂത്ത് കോൺഗ്രസ് ജില്ലാ പ്രസിഡന്റ്‌ എം ജി കണ്ണനെ ആശുപത്രിയിൽ പ്രവേശിപ്പിച്ചു. സമാധാനമായി സമരം നടത്തിയ കോൺഗ്രസ് പ്രവർത്തകരെ പോലീസ് അറസ്റ്റ് ചെയ്തു നീക്കി. സംഘർഷം നിലനിൽക്കുന്ന ഒരു അന്തരീക്ഷമാണ് എങ്ങും നിലനിൽക്കുന്നത്.
