മല്ലപ്പള്ളി : മല്ലപ്പള്ളി തിരുവല്ല റോഡിൽ പഴയ സി.ഐ ഓഫീസിന് സമീപം രാത്രിയിൽ അക്രമ സക്തനായ യുവാവിനെ നാട്ടുകാരും പോലീസും ചേർന്ന് പിടികൂടി. മണിക്കൂറോളം റോഡിൽ അക്രമവും അസഭ്യ വർഷവും അരങ്ങേറി. യുവാവിനെ അക്രമത്തിൽ നിന്നും പിൻതിരിക്കാൻ ശ്രമിച്ച നാട്ടുകാർക്കു നേരെ യുവാവ് കൈയേറ്റം നടത്തി.
സംഭവം രൂക്ഷമായതോടെ സംഭവസ്ഥലത്ത് ആദ്യം എത്തിയ രണ്ട് പോലീസ് ഉദ്യോഗസ്ഥർക്ക് സംഭവം കണ്ടു നില്ക്കാനെ കഴിഞ്ഞുള്ളു. പിന്നീട് കീഴ് വായ്പൂര് സ്റ്റേഷനിൽ നിന്നും കൂടുതൽ പോലീസ് എത്തി അക്രമസക്തനായ യുവാവിനെ അനുനയിക്കാൻ ശ്രമിക്കുന്നതിനിടയിൽ ഉദ്യോഗസ്ഥരെയും കൈയേറ്റശ്രമം ഉണ്ടായി. ഇതിനെതുടർന്ന് നാട്ടുകാരും പോലീസും ചേർന്ന് യുവാവിനെ കീഴ്പ്പെടുത്തിയത്.