തിരുവല്ല : ഗവ.ആശുപത്രിയിൽ നടന്നു വരുന്ന വിശപ്പു രഹിത പ്രഭാതം പദ്ധതിയുടെ ഒന്നാം വാർഷികം റവന്യൂ മന്ത്രി കെ.രാജൻ വെള്ളിയാഴ്ച രാവിലെ 7 ന് ഉദ്ഘാടനം ചെയ്തു. സാമൂഹിക സുരക്ഷയും ജീവകാരുണ്യ പ്രവർത്തനങ്ങളും പൊതുജീവിതത്തിൽ ഏറെ പ്രചോദനമായിട്ടുണ്ട് എന്ന് മന്ത്രി വ്യക്തമാക്കി. രോഗികൾക്കും കൂട്ടിരിപ്പുകാർക്കും എല്ലാ ദിവസവും മുടങ്ങാതെ ഭക്ഷണം നൽകുന്ന വിശപ്പു രഹിത പദ്ധതി സംസ്ഥാനത്തിന് തന്നെ മാതൃകയാണെന്നും അദ്ദേഹം കൂട്ടിച്ചേർത്തു.
വിശപ്പുരഹിത പ്രഭാതം പദ്ധതി ചെയർമാനും സി.പി.ഐ ജില്ലാ എക്സി.അംഗവുമായ അഡ്വ.കെ.ജി.രതീഷ് കുമാർ അധ്യക്ഷനായി. സി.പി.ഐ ജില്ലാ സെക്രട്ടറി എ.പി ജയൻ, തിരുവല്ല നഗരസഭ അധ്യക്ഷ ബിന്ദു ജയകുമാർ, ബിലീവേഴ്സ് മെഡി.കോളജ് സി.ഇ.ഒ സിജോ പന്തപ്പള്ളി, സി.പി.ഐ മണ്ഡലം സെക്രട്ടറി പി.ശശികുമാർ, പദ്ധതി കോ-ഓർഡിനേറ്റർ മാരായ അനു സി.കെ,, ജോബി പീടിയേക്കൽ എന്നിവർ സംസാരിച്ചു.
