പത്തനംതിട്ട: വിശ്വകർമ സമുദായത്തിലെ പരമ്പരാഗത കൈവേലക്കാരുടെ തൊഴിലും ജീവിതവും സംരക്ഷിക്കാൻ ആധുനിക സൗകര്യങ്ങളോടു കൂടിയ ഉൽപാദന – വിപണന ധനകാര്യസ്ഥാപനങ്ങൾ ഉൾക്കൊള്ളുന്ന പഞ്ചശില ഇൻഡസ്ട്രിയൽ ഗ്രാമങ്ങൾ ജില്ലയില് സ്ഥാപിക്കണമെന്ന് അഖില ഭാരതീയ വിശ്വകർമ്മ മഹാസഭ ജില്ലാ സ്പെഷ്യൽ കൺവെൻഷൻ കേരള സർക്കാരിനോട് ആവശ്യപ്പെട്ടു.
പത്തനംതിട്ട ഫാത്തിമ ഹാളിൽ ചേർന്ന ജില്ലാ കൺവെൻഷൻ സംസ്ഥാന പ്രസിഡണ്ട് ടി എൻ രാജൻ ഉദ്ഘാടനം ചെയ്തു. ഓമല്ലൂർ മുരളി അധ്യക്ഷത വഹിച്ചു. ജനറൽ സെക്രട്ടറി നന്ദൻകോട് ആർ കണ്ണൻ മുഖ്യപ്രഭാഷണം നടത്തി. വർക്കിംഗ് പ്രസിഡണ്ട് ആര്യനാട് സുരേഷ് കുമാർ പ്ലസ് ടു, എസ്എസ്എൽ സി വിജയികൾക്കുള്ള പുരസ്കാരങ്ങൾ വിതരണം ചെയ്തു. അമ്പിളി വിജയൻ, സുനിൽ കുമാർ എന്നിവർ ആശംസകൾ അർപ്പിച്ചു.
