റാന്നി: പുനലൂര് – മൂവാറ്റുപുഴ സംസ്ഥാന പാതയിലെ ഉതിമൂട്ടിൽ ഉണ്ടായ കാർ അപകടത്തില് രണ്ടു പേര് മരിച്ചു. റാന്നി പോലീസ് സ്റ്റേഷനിലെ എ.എസ്.ഐ അങ്ങാടി മണ്ണാറത്തറ മരോട്ടിപതാലില് എം.ബി കൃഷ്ണന്കുട്ടിയുടെ മകന് യദുകൃഷ്ണന്(18), അങ്ങാടി മണ്ണാറത്തറ മാലിപ്പുറം എം.ജെ വര്ഗീസിന്റെ മകന് സിജോ വര്ഗീസ്(18) എന്നിവരാണ് മരിച്ചത്.
മറ്റു രണ്ടു പേര്ക്ക് ഗുരുതര പരിക്കും ഒരാള്ക്ക് നിസ്സാര പരുക്കുമേറ്റു. ഇവരെ ആശുപത്രിയില് പ്രവേശിപ്പിച്ചു. സ്കോര്പ്പിയോ ജീപ്പും മിനി ടിപ്പര് ലോറിയുമാണ് കൂട്ടിയിടിച്ചത്. ഉതിമൂട് ജംഗ് ഷൻ കഴിഞ്ഞുള്ള ചെറിയ വളവിലാണ് അപകടം ഉണ്ടായത്. ഇടിയുടെ ആഘാതത്തില് ക്രാഷ്ബാരിയര് തകർത്തുകൊണ്ട് തോടിന് മറുകര വരെ യാത്രക്കാർ തെറിച്ചു വീണതായി ദൃക്സാക്ഷികൾ പറയുന്നു.
