പത്തനംതിട്ട : പാര്ലമെന്റ് തെരഞ്ഞെടുപ്പിന് മുന്നോടിയായി കോണ്ഗ്രസിനെ ബൂത്ത് തലങ്ങളില് ശക്തിപ്പെടുത്തുക എന്ന ലക്ഷ്യത്തോടെ താഴെ തട്ടില് സംഘടനാ പ്രവര്ത്തനം നടത്താന് ഡി.സി.സി പരിപാടികള് തയ്യാറാക്കുന്നു. ഇതിന്റെ ഭാഗമായി മാര്ച്ച് 4 ന് ജില്ലയിലെ എല്ലാ ബൂത്തുകളിലും അവിടെയുള്ള നേതാക്കളുടെ നേതൃത്വത്തില് ഭവന സന്ദര്ശനം നടത്തും. കെ.പി.സി.സി ഫണ്ട് ശേഖരണവും ലഘുലേഖാ വിതരണവും ഇതോടൊപ്പം നടത്തുമെന്ന് ഡി.സി.സി വൈസ് പ്രസിഡന്റ് അഡ്വ. എ. സുരേഷ് കുമാര് പറഞ്ഞു. ജില്ലാതല ഉദ്ഘാടനം ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിലിന്റെ ബൂത്തായ തിരുവല്ല നിയോജക മണ്ഡലത്തിലെ കടപ്ര 186-ാം നമ്പര് ബൂത്തില് നടക്കും. മാര്ച്ച് 15 ന് ഭാരത് ജോഡോ യാത്രയുടെ തുടര്ച്ചയായ ഹാഥ് സേ ഹാഥ് ജോഡോ അഭിയാന് പദയാത്ര ജില്ലയിലെ 1078 ബൂത്തുകളിലും നടത്തുന്നതിനും പദ്ധതി തയ്യാറായിവരുന്നു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
