കൊച്ചി : വിസ്മയ കേസില് എഫ്ഐആര് റദ്ദാക്കണമെന്നാവശ്യപ്പെട്ട് പ്രതി കിരണ് കുമാര് ഹൈക്കോടതിയില് ഹര്ജി നല്കി. സ്ത്രീധന പീഡന മരണകുറ്റം നിലനില്ക്കില്ലെന്ന് കിരണ് കുമാര് ഹര്ജിയില് പറയുന്നു. കേസിലെ അന്വേഷണം നിര്ത്തിവെയ്ക്കണമെന്നും ഹര്ജിയില് ആവശ്യപ്പെടുന്നു. ഹര്ജി നാളെ പരിഗണിച്ചേക്കും.
വിസ്മയയെ വിവാഹത്തിന് ശേഷം അഞ്ച് തവണ മര്ദ്ദിച്ചിരുവെന്നാണ് കിരണിന്റെ മൊഴി. എന്നാല് മരിച്ച ദിവസം മര്ദ്ദനമുണ്ടായിട്ടില്ലെന്നും കിരണ് മൊഴി നല്കി. കിരണിനെ ശാസ്താംനടയിലെ വീട്ടില് എത്തിച്ച് പോലീസ് തെളിവെടുപ്പ് നടത്തുകയാണ്. ചോദ്യങ്ങളോടെല്ലാം നിര്വികാരമായിട്ടായിരുന്നു കിരണിന്റെ പ്രതികരണം.
അതേസമയം വിസ്മയയുടേത് ആത്മഹത്യയെന്ന് സൂചന നല്കുന്ന പോസ്റ്റ്മോര്ട്ടം റിപ്പോര്ട്ട് കിട്ടിയെങ്കിലും കൊലപാതകമോ ആത്മഹത്യയോ എന്ന അന്തിമ നിഗമനത്തിലേക്ക് പോലീസ് ഇനിയും എത്തിയിട്ടില്ല. അതെന്തായാലും ജീവപര്യന്തം കഠിന തടവുശിക്ഷയെങ്കിലും കിരണ്കുമാറിന് ഉറപ്പിക്കും വിധം അന്വേഷണവും കോടതി നടപടികളും മുന്നോട്ടു കൊണ്ടുപോകാനാണ് പോലീസ് തീരുമാനം.
