കൊച്ചി: വിഴിഞ്ഞം സമരത്തിനെതിരെ കേന്ദ്ര സേന വേണ്ടെന്ന് സംസ്ഥാന സര്ക്കാര് ഹെെക്കോടതിയില് അറിയിച്ചു.വിഴിഞ്ഞം പദ്ധതിക്ക് സംരക്ഷണം നല്കണമെന്ന് ആവശ്യപ്പെട്ട് വിഴിഞ്ഞം പോര്ട്ട് ട്രസ്റ്റ് ആണ് ഹെെക്കോടതിയെ സമീപിച്ചത്.തുറമുഖ പദ്ധതിക്കെതിരെ സമരം നടക്കുന്ന പ്രദേശത്ത് ക്രമസമാധാനം ഉറപ്പുവരുത്തണമെന്ന് ഹൈക്കോടതി നിര്ദേശിച്ചു. കേസില് സമരക്കാര്ക്ക് കോടതി നോട്ടീസ് അയച്ചു.കേസ് തിങ്കളാഴ്ച വീണ്ടും വാദം കേള്ക്കും.
എല്ലാ പഠനങ്ങള്ക്കും ശേഷമാണ് പദ്ധതിയിലേക്കെത്തിയതെന്നും പദ്ധതിയുടെ സുരക്ഷയുടെ ഉത്തരവാദിത്തം സംസ്ഥാന ,കേന്ദ്ര സര്ക്കാരുകള്ക്കുണ്ടെന്നും അദാനി ഗ്രൂപ്പ് പറഞ്ഞു. വീണ്ടും പാരിസ്ഥിതിക പഠനം വേണമെന്ന ആവശ്യം അനാവശ്യമെന്നും പദ്ധതി തടസപ്പെടുത്തുന്നത് പൊതു താല്പര്യത്തിന് വിരുദ്ധമാണെന്നും പദ്ധതിക്ക് പാരിസ്ഥിതിക അനുമതി 2014 ല് ലഭിച്ചതാണെന്നും അദാനി ഗ്രൂപ്പ് അറിയിച്ചു. ജസ്റ്റിസ് അനുശിവരാമന് അധ്യക്ഷയായ ബെഞ്ചാണ് ഹര്ജി പരിഗണിക്കുന്നത്.