പാലാ : പത്തനംതിട്ട ജില്ലാ വോളിബോള് അസോസിയേഷന് സെക്രട്ടറി അനില് എം.കുര്യനെ അനേഷണ വിധേയമായി സസ്പെന്ഡ് ചെയ്തു. സംസ്ഥാന വോളിബോള് അസോസിയേഷന് പ്രസിഡന്റ് ഡോ. സണ്ണി വി.സക്കറിയ ആണ് സസ്പെന്ഷന് ഉത്തരവ് നല്കിയത്. സംസ്ഥാന വോളീബോൾ അസോസിയേഷൻ നോമിനിയായി വോളീബോൾ ഫെഡറേഷൻ ഓഫ് ഇന്ത്യയുടെ സഹകരണത്തോടെ എഫ്.ഐ.വി.ബി നടത്തുന്ന ലെവൽ വൺ, ലെവൽ ടു കോച്ചസ് ക്ലിനിക്കിൽ പങ്കെടുക്കുകയും പാസ്സായി സർട്ടിഫിക്കറ്റ് ലഭിക്കുകയും ചെയ്തയാളാണ് പത്തനംതിട്ട ജില്ലാ സെക്രട്ടറി അനില് എം.കുര്യന്.
എന്നാല് വി.എഫ്.ഐ നൽകിയ സർട്ടിഫിക്കറ്റ് ശരിയല്ലെന്നും എഫ്.ഐ.വി.ബി സെക്രട്ടറി ജനറൽ ഒപ്പുവെച്ചിട്ടില്ലെന്നും അതിനാല് തനിക്ക് ലഭിച്ച സര്ട്ടിഫിക്കറ്റ് വ്യാജമാണെന്നും അനില് എം.കുര്യന് ആരോപിച്ചിരുന്നു. ഇത് സംബന്ധിച്ച് വി.എഫ്.ഐക്ക് എതിരെ എഫ്.ഐ.വി.ബിക്ക് പത്തനംതിട്ട ജില്ലാ വോളിബോള് അസോസിയേഷന് സെക്രട്ടറി ആയിരിക്കെ അനില് എം. കുര്യന് പരാതിയും നല്കിയിരുന്നു.
കൂടാതെ പത്തനംതിട്ട ജില്ലാ വോളിബാൾ അസോസിയേഷൻ സെക്രട്ടറി ആയിരിക്കെ അനില് എം.കുര്യന് സോഷ്യൽ മീഡിയയിൽക്കൂടി സംസ്ഥാന വോളീബോൾ അസോസിയേഷനെ അവഹേളിക്കുന്ന നിലയില് പോസ്റ്റുകള് പ്രസിദ്ധീകരിക്കുകയും ഇവ വ്യാപകമായി ഷെയര് ചെയ്ത് സംസ്ഥാന വോളീബോൾ അസോസിയേഷൻ നടത്തുന്ന ചാംപ്യൻഷിപ്പുകളെയും സെലക്ടർമാരെയും അവഹേളിക്കുകയും ചെയ്തുവെന്നും സസ്പെന്ഷന് ഉത്തരവില് പറയുന്നു.